بھارتی کرکٹ بورڈ کے ذرائع کا کہنا ہے کہ ٹی ٹوئنٹی کرکٹ کے موجودہ سینئیر کھلاڑی مستقبل کے پلان میں شامل نہیں ہوں گے۔

تفصیلات کے مطابق بھارتی میڈیا نے رپورٹ دی ہے کہ ٹی ٹوئنٹی ورلڈ کپ میں شکست کے بعد بھارتی ٹیم میں اکھاڑ پچھاڑ متوقع ہے جس کا شکار زیادہ تر سینئیر کھلاڑیں بنیں گے۔

بھارتی میڈیا کے مطابق بورڈ آف کنٹرول فار کرکٹ ان انڈیا (بی سی سی آئی) نے ہاردیک پانڈیا کو کرکٹ کے مختصر ترین فارمیٹ کی قیادت مستقل بنیادوں پر سونپنے کا منصوبہ بنا لیا ہے۔

بی سی سی آٗئی نے ٹیم کے سینئیر کھلاڑی ویرات کوہلی اور روہت شرما کو ٹی ٹوئنٹی کرکٹ سے باہر کرنے کا بھی منصوبہ بنایا ہے، جبکہ دیگر کھلاڑیوں کو مرحلہ وار باہر کیا جائے گا۔

Advertisement

Not a good news 💔.

Rohit Sharma and Virat Kohli unlikely to be in BCCI's future plans for T20Is. (Article – Hindustan Times) pic.twitter.com/LW9dEkhAaU

— Vishal. (@SPORTYVISHAL) November 29, 2022

بھارتی خبر رساں ادارے نے خبر دی ہے کہ سینئیر کھلاڑیوں کو ون ڈے اور ٹیسٹ میچوں میں توجہ مرکوز کرنے کا کہا جائے گا، جبکہ مختصر فارمیٹ کے لیے نئی ٹیم میدان میں اتارنے کا فیصلہ کر لیا گیا ہے۔

رپورٹ میں یہ بھی بتایا گیا کہ بورڈ کسی کو ریٹائرمنٹ کے لیے مجبور نہیں کرے گا لیکن آہستہ آہستہ سینئر کھلاڑی ٹی ٹوئنٹی میں شامل نہیں ہوں گے اور اس کے بجائے 2024 کے ٹی ٹوئنٹی ورلڈ کپ سے قبل نئی ٹیم کھیلی جائے گی۔

بی سی سی آئی کے ایک ذرائع نے نام ظاہر نہ کرنے کی شرط پر بتایا ہے کہ  بی سی سی آئی کبھی بھی کسی سے ریٹائرمنٹ لینے کے لیے نہیں کہتا، یہ ایک انفرادی فیصلہ ہے۔

بی سی سی ذرائع نے مزید کہا کہ 2023 میں صرف چند ٹی ٹوئنٹی میچز شیڈول ہیں، اس چکر میں زیادہ تر سینئرز ون ڈے اور ٹیسٹ میچوں پر توجہ مرکوز کریں گے.