عمران خان نے کہا ہے کہ جب دو اسمبلیاں ٹوٹیں گی تو انتخاب تو کروانا پڑے گا۔

تفصیلات کے مطابق پاکستان تحریک انصاف و سابق وزیراعظم عمران خان نے سینئر صحافیوں سے گفتگو کرتے ہوئے کہا کہ اسٹیبلشمنٹ سے کوئی رابطہ نہیں، لگتا ہے کہ اپریل میں اسٹیبلشمنٹ الیکشن میں جارہی ہے۔

سابق وزیراعظم نے کہا کہ ہم نے فوری اسمبلیاں اس لئے نہیں تحلیل کیں کہ اتحادیوں کو بھی منانا تھا۔

مزید پڑھیں؛ استعفوں کی منظوری، عمران خان نے ارکانِ قومی اسمبلی کو بدھ کو طلب کرلیا

عمران خان نے یہ بھی کہا تھا کہ اسمبلیاں تحلیل ہونے کے بعد الیکشن تاخیر کا شکار ہوتے ہیں تو ہمیں پھر بھی فرق نہیں پڑتا، جب دو اسمبلیاں ٹوٹیں گی تو انتخاب تو کروانا پڑے گا۔

پاکستان تحریک انصاف و سابق وزیراعظم عمران خان نے مزید کہا کہ ہمیں کوئی شک نہیں کہ پرویز الہٰی اسمبلیاں نہیں توڑے گا، گیارہ جنوری سے پہلے اعتماد کا ووٹ لے لیں گے۔

دوسری جانب پاکستان تحریک انصاف کے چیئرمین عمران خان نے سماجی رابطے کی ویب سائٹ ٹویٹر پر اپنے ایک پیغام میں کہا کہ قانون کی حکمرانی کے ذریعے عدل و انصاف، جو تمام شہریوں کو قانون کی نگاہ میں برابر بناتا ہے، ان کلیدی اسباب میں سے ایک ہے جس کی وجہ سے ہم قائدِ اعظم محمد علی جناح کے تصوّرِ پاکستان کی حقیقت پانے میں ناکام رہے۔

عمران خان نے یہ بھی کہا کہ یہ حقیقی آزادی،سچی خودمختاری اور شہریوں کےحقوق کےتحفظ کی راہ ہموار کرتا ہے جس کے نتیجے میں انہیں ریاستی و حکومتی اشرافیہ کے تسلط سے تحفظ ملتا ہے۔

ہموارکرتاہے جسکے نتیجے میں انہیں ریاستی و حکومتی اشرافیہ کے تسلط سے تحفظ ملتاہے۔بدقسمتی سےچونکہ پاکستان میں قانون کی حکمرانی کوقدم جمانےکی اجازت نہیں دی گئی، چنانچہ ملک پر اشرافیہ کی کڑی گرفت نے طاقتور مافیاز اور اداروں کو قانون سےیوں بالاتر بنایا کہ گویا یہ انکا استحقاق تھا

— Imran Khan (@ImranKhanPTI) December 25, 2022

سابق وزیراعظم و پاکستان تحریک انصاف کے چیئرمین عمران خان نے مزید کہا کہ بدقسمتی سےچونکہ پاکستان میں قانون کی حکمرانی کوقدم جمانےکی اجازت نہیں دی گئی، چنانچہ ملک پر اشرافیہ کی کڑی گرفت نے طاقتور مافیاز اور اداروں کو قانون سےیوں بالاتر بنایا کہ گویا یہ انکا استحقاق تھا۔