سربراہ تحریکِ انصاف عمران خان کا کہنا ہے ہائیکورٹ فیصلے کی خلاف ورزی کرکے الیکشن کمیشن نے پھر ثابت کردیا کہ وہ حکومت کی بی ٹیم ہے۔

سماجی رابطے کی ویب سائیٹ پر اپنی ٹوئیٹ میں چیئرمین پی ٹی آئی اور سابق وزیراعظم عمران خان نے کڑی تنقید کرتے ہوئے کہا کہ آج اسلام آباد میں بلدیاتی انتخابات کےانعقاد کے حوالے سےاسلام آباد ہائی کورٹ کےحکم پرعمل نہ کرکے الیکشن کمیشن نے پھر سے ثابت کیا ہے کہ یہ امپورٹڈ حکومت اوراس کے سرپرستوں کی بی ٹیم ہے۔

عمران خان نے کہا کہ پی ڈی ایم عوام سے خوفزدہ اور بلدیاتی انتخابات سمیت تمام الیکشنز سے فرار اختیار کررہی ہے۔

آج اسلام آباد میں بلدیاتی انتخابات کےانعقاد کےحوالے سےاسلام آباد ہائیکورٹ کےحکم پر عمل نہ کر کےECP نےپھرسےثابت کیاہےکہ یہ امپورٹڈحکومت اور اسکے سرپرستوں کی بی-ٹیم ہے۔عوام سےخوفزدہPDM ہر انتخابی میدان سےبھاگ رہی ہے۔ووٹ کاحق بنیادی جمہوری اصول ہےاورPTI پوری دلجمعی سےاس پر قائم ہے

Advertisement

— Imran Khan (@ImranKhanPTI) December 31, 2022

سابق وزیراعظم عمران خان نے اپنی ٹوئیٹ میں لکھا کہ رائے دہی سب کا بنیادی حق اورجمہوریت کی علامت ہے، پی ٹی آئی اس عزم کے ساتھ کھڑی ہے۔

ان سے قبل تحریکِ انصاف کے رہنما اسد عمرنے بھی اسلام آباد میں آج ہونے والے بلدیاتی انتخابات کے حوالے سے حکومت کو تنقید کا نشانہ بنایا۔

سماجی رابطے کی ویب سائٹ ٹوئٹر پر اسد عمر نے ٹوئیٹ کرتے ہوئے کہا ہے کہ صبح سے ووٹرز موجود ہے، تحریک انصاف کی ٹیمیں موجود ہیں لیکن الیکشن کمیشن غائب ہے۔

اس حوالے سے تحریکِ انصاف کے رہنما فواد حسین چوہدری نے بھی کہا کہ خوفزدہ حکومت کٹھ پتلی الیکشن کمشنرکے ساتھ مل کر عوام اورآئین کا مذاق اڑا رہی ہے۔

سربراہ عوامی مسلم لیگ شیخ رشید نے بھی کہا ہے کہ ہائیکورٹ کےحکم پراسلام آباد میں بلدیاتی الیکشن نہیں ہوئے۔ الیکشن جب بھی ہوگا 13 پارٹیوں کے خلاف اسلام آبامیں ریفرنڈم ہوگا۔ جوعوام کےساتھ ہاتھ کرےگاوہ پچھتائےگا۔