مسلم لیگ (ن) نے اسپیکر اور ڈپٹی اسپیکر پنجاب اسمبلی کے خلاف تحریک عدم اعتماد واپس لے لی۔

تفصیلات کے مطابق اسپیکر اور ڈپٹی اسپیکر پنجاب اسمبلی کے خلاف تحریک عدم اعتماد کے معاملے میں مسلم لیگ (ن) کی جانب سے بڑا یو ٹرن لیا گیا ہے، یا پھر یہ ان کی حکمت عملی میں کوئی تبدیلی بھی ہوسکتی ہے۔

مسلم لیگ (ن) نے پنجاب اسمبلی میں اسپیکر اور ڈپٹی اسپیکر کے خلاف عدم اعتماد کی تحریک واپس لے لی۔

یہ بھی پڑھیں؛ ن لیگ نے عام انتخابات کی تیاریوں کا آغاز کردیا

ذرائع نے دعویٰ کیا ہے کہ پنجاب اسمبلی میں نمبرز پورے نہ ہونے پر (ن) لیگ نے سبکی سے بچنے کے لیے تحریک عدم اعتماد واپس لی۔

خیال رہے کہ پنجاب اسمبلی میں پاکستان تحریک انصاف کے مسلم لیگ (ق) کے ساتھ اتحاد کو واضع برتری حاصل ہے اور ایسے میں سابق صدر آصف علی زرداری اور (ن) لیگ کی تمام تر کوششوں کے باوجود پی ٹی آئی اور ق لیگ کے ارکان توڑے نہ جاسکے۔

ذرائع نے بتایا کہ پنجاب اسمبلی کے اراکین اسمبلی کی حمایت حاصل کرنے میں ناکامی کا سامنا کرنے پر حکمت عملی کے تبدیلی کے نام پر اسپیکر اور ڈپٹی اسپیکر کے خلاف تحریک عدم اعتماد واپس لے لی گئی۔

اس قبل (ن) لیگ نے وزیر اعلی پنجاب چوہدری پرویز الہیٰ کے خلاف بھی تحریک عدم اعتماد واپس لی تھی اور مسلم لیگ (ن) نے اسپیکر اور ڈپٹی اسپیکر کے بجائے وزیراعلی پنجاب کے خلاف اعتماد کے ووٹ پر فوکس کر لیا ہے۔