گلف کپ کے سیمی فائنل میں عراق نے قطر کو شکست دے کر فائنل میں جگہ بنا لی۔

تفصیلات کے مطابق گلف کپ کے سیمی فائنل میں عراق نے قطر کو 2-1 سے دے کر فائنل میں جگہ بنا لی، جمعرات کو ہونے والے فائنل میں عراق کا مقابلہ عمان سے ہو گا۔

عراق کے بصرہ انٹرنیشنل اسٹیڈیم میں عراق کے لیے ابراہیم بیش نے 19 ویں منٹ میں گول کر دیا، اس کے 10 منٹ بعد قطر نے امرو سورگ کے ذریعے گول کر کے برابر کر دیا۔

ایمن حسین نے وقفہ سے دو منٹ قبل عراق کے لیے دوسرا گول کر کے میچ میں برتری حاصل کی جو میچ کے اختتام تک برقرار رہی، میزبان عراق نے گلب کپ کے دو سالہ ٹورنامنٹ میں چھٹی مرتبہ فائنل میں جگہ بنائی۔

تین بار گلف کپ چیمپئن رہنے والی عراق کا فائنل جمعرات کو عمان سے ہوگا۔

عمان نے بحرین کو 1-0 سے شکست دے کر فائنل میں رسائی حاصل کی۔

بحرین کے خلاف سیمی فائنل کے 83 ویں منٹ میں جمیل ال یحمدی کے گول نے عمان کو پانچویں مرتبہ فائنل تک رسائی میں مدد دی۔

قطر کی ٹیم کے ٹورنامنٹ سے باہر ہونے کے بعد کوچ برونو میگوئل پنہیرو نے کہا کہ وہ اپنے کھلاڑیوں کی کارکردگی سے مطمئن ہیں، انہوں نے مزید کہا کہ مارونز کا مظاہرہ تھکاوٹ سے متاثر ہو سکتا ہے۔

پرتگالی کوچ نے بصرہ میں میچ کے بعد کہا کہ ہم نے جو چار میچ کھیلے ان کے دوران کھلاڑیوں کی کارکردگی مطمئن بخش تھی۔

پنہیرو نے کہا کہ یہ ان کی نوجوان ٹیم کے لیے سیکھنے کا ایک اچھا ایونٹ تھا انہوں نے اس بات کو تسلیم کیا کہ عراق نے میچ کے دوران ملنے والے مواقعوں سے فائدہ اٹھانے کی بھرپور کوشش کی۔