حافظ نعیم کا نتائج نہ ملنے پر پولنگ اسٹیشن کے گھیراؤ کا اعلان

ویب ڈیسک

15th Jan, 2023. 11:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حافظ نعیم کا نتائج نہ ملنے پر پولنگ اسٹیشن کے گھیراؤ کا اعلان

امیر جماعت اسلامی کراچی حافظ نعیم الرحمان نے بلدیاتی انتخابات میں نتائج نہ ملنے پر پولنگ اسٹیشن کے گھیراؤ کا اعلان کردیا۔

دارہ نور حق میں میڈیا سے گفتگو کرتے ہوئے امیر جماعت اسلامی کراچی نے کہا کہ چیف الیکشن کمشنر اور سیکرٹری الیکشن کمیشن کے واضح احکامات کے باوجود ہمیں فارم 11 اور 12 فراہم نہیں کیے جا رہے جب کہ یہ ہمارا آئینی، جمہوری اور قانونی حق ہے کہ نتائج فراہم کیے جائیں۔

انہوں نے کہا کہ سندھ حکومت کے کچھ ڈی سیز نتائج جاری کرنے میں رکاوٹ بن رہے ہیں، نتائج جاری نہ ہوئے تو ایک گھنٹے بعد شہر بھر میں دھرنے شروع کردیں گے۔ انہوں نے عوام کو بھی پولنگ اسٹیشنز کے گھیراؤ کا حکم دے دیا۔

یہ بھی پڑھیں؛ کراچی اور حیدرآباد کے بلدیاتی انتخابات

حافظ نعیم الرحمان نے کہا کہ اس وقت جو نمبرز بتا رہے ہیں ان کے مطابق جماعت اسلامی تقریباً ہر جگہ پر نمبر ون پارٹی کی پوزیشن میں موجود ہے لیکن جو جیتا اس کے لیے مبارکباد اور جو ہارا اس کے لیے حوصلہ افزائی لیکن عوام کے مینڈیٹ پر شب خون نہیں مارنے نہیں دیں گے اور کسی کو اپنے میڈیٹ پر ڈاکا نہیں ڈالنے دیں گے۔