پاکستان تحریکِ انصاف نے سندھ میں دوسرے مرحلے میں ہونے والے بلدیاتی انتخابات کےنتائج کومستردکردیا ہے۔
تفصیلات کے مطابق رہنما تحریکِ انصاف علی زیدی نے کہا ہے کہ بلدیاتی انتخابات کےنتائج مستردکرتےہیں،آئندہ کےلائحہ عمل کا اعلان جلد کریں گے۔ کوئی جماعت نتائج قبول کرنےکوتیارنہیں۔
علی زیدی نے کہا کہ چیف الیکشن کمشنراستعفٰی دیں اورآئی جی سندھ پریشربرداشت نہیں کرسکتےتووہ بھی استعفیٰ دیں۔ الیکشن کمیشن فارم اے جاری کرے۔
رہنما پی ٹی آئی نے کہا کہ پولیٹیکل انجینئرنگ کرکےپی پی کوجتوانےکی کوشش کی جارہی ہے۔ کراچی اورسندھ کوتباہ کرنےوالوں کوعوام کیوں ووٹ دینگے؟ عوامی مینڈیٹ چوری کرنےوالےملک کونقصان پہنچارہےہیں۔
انھوں نے کہا کہ بدمعاشی روکنےوالےبدمعاشوں کی گودمیں بیٹھ گئے، چیف الیکشن کمشنرپی ڈی ایم کےساتھ ہیں، امیدواراب تک آر اوزکے آفس میں بیٹھے ہیں۔
سینئررہنما تحریکِ انصاف نے کہا کہ کراچی میں جوکچھ کل ہوااسے شفاف کہناسب سےبڑاجھوٹ ہے۔ الیکشن کمیشن شفاف انتخابات کےانعقاد میں ناکام ہوگیا، رابستان خان،عدیل احمد کودھاندلی روکنےپرگرفتارکیا گیا۔ رابستان خان اورعدیل احمد کےخلاف مقدمہ درج کیاگیا۔ الیکشن کمیشن دھاندلی میں براہ راست ملوث ہے۔
علی زیدی نے کہا کہ دھاندلی کےباوجود پی ٹی آئی نے70 سے زائد یوسیزجیتیں۔ آر او آفس میں دھاندلی کی جارہی ہے۔ دھاندلی کے ثبوت عدالت میں پیش کرینگے۔
انھوں نے مذید کہا کہ بلاول بھٹو مرضی کے نتائج لے سکتے ہیں۔ ہیرا پھیری کے نتائج قبول نہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News