کھیلوں کی دنیا میں مختلف کھیلوں میں یلو اور ریڈ کارڈ کا استعمال کیا جاتا ہے لیکن فٹ بال میں پہلی بار سفید کارڈ بھی استعمال کیا گیا۔

تفصیلات کے مطابق وائٹ کارڈ فٹ بال کی دنیا میں جدید ترین اختراع ہے اور اسے پہلی بار پرتگال میں متعارف کرایا گیا تھا، اور شاید ہی کوئی فٹ بال شائقین ہو جو پیلے اور سرخ کارڈ سے واقف نہ ہو.

بینفیکا اور اسپورٹنگ لزبن کے درمیان ویمنز کپ کے کوارٹر فائنل مقابلے کے دوران دنیا کو وائٹ کارڈ سے متعارف کرایا گیا۔

بینفیکا کے ہاف ٹائم سے عین قبل 3-0 کی برتری کے بعد پرتگالی ریفری کیٹرینا کیمپوس نے وائٹ کارڈ دکھانے کا فیصلہ کیا، اس اقدام سے شائقین میں زبردست خوشی کی لہر دوڑ گئی۔

واضح رہے کہ  1970 کے فیفا ورلڈ کپ میں شروع ہونے کے بعد سے پیلے اور سرخ کارڈ کھیل کا لازمی حصہ بن چکے ہیں، لیکن بہت سارے شائقین سفید کارڈ کے مقصد اور استعمال کے بارے میں لاعلم ہیں۔

پرتگال کے نیشنل پلان فار ایتھکس ان اسپورٹ کے ذریعے شروع کئے گئے نئے اقدام کے مطابق سفید کارٹ کو میدان میں منصفانہ کھیل اور اخلاقیات کے عمل کو تسلیم کرنے لئے دکھایا جاتا ہے۔

As equipas médicas de Benfica e Sporting receberam cartão branco após assistirem uma pessoa que se sentiu mal na bancada 👏 pic.twitter.com/ihin0FAlJF

— B24 (@B24PT) January 21, 2023

یہ ضروری نہیں ہے کہ وائٹ کارڈ کا استعمال یلو اور ریڈ کارڈ کی طرح کھلاڑیوں کے خلاف استعمال ہوتا ہے بلکہ اسٹیڈیم میں موجود تمام شائقین کو یہ ریفری وائٹ کارڈ دکھا سکتا ہے۔

سفید کارڈ کے اس پائلٹ پروجیکٹ کو پہلی مرتبہ پرتگالی لیگز میں پرتگالی فٹ بال فیڈریشن کی رہنمائی سے لاگو کیا گیا تھا۔

وائٹ کارڈ کے علاوہ پرتگالی فٹ بال حکام نے ہنگامہ خیز متبادل کے ساتھ ساتھ طویل رکنے کا وقت بھی اپنایا ہے جو وقت ضائع کرنے کی کوشش کرنے والی ٹیموں کے لیے رکاوٹ کا کام کرتا ہے۔

بینفیکا اور اسپورٹنگ لزبن کے درمیان میچ کے دوران سٹینڈز میں موجود ایک پرستار بیمار ہو کر بیہوش ہو گیا۔ دونوں طرف سے ٹیم کے طبی عملے صورتحال کو سنبھالنے کے لیے سٹینڈ پر پہنچ گئے اور چند منٹوں میں تماشائی کو طبی امداد دی گئی۔ ریفری نے ڈاکٹروں کی تعریف میں سفید کارڈ دکھایا گیا۔