سابق وزیراعظم عمران خان اور سابق وزیراعلیٰ پنجاب پرویز الہی کی ملاقات کی اندرونی کہانی بول نیوز نے حاصل کرلی ۔

تفصیلات کے مطابق مسلم لیگ (ق) کے رہنما اور صوبائی صدر پرویز الہیٰ نے زمان پارک میں پاکستان تحریک انصاف کے چیئرمین عمران خان سے ملاقات کی۔

ذرائع نے بتایا کہ ملاقات میں دونوں رہنماؤں نے نگران وزیراعلی پنجاب کی تقرری کو چیلنج کرنے پر اتفاق کرتے ہوئے محسن نقوی کے معاملے پر عدالت سے کل رجوع کرنے کا حتمی فیصلہ کیا، اس حوالے سے وکلا اور پارٹی رہنماؤں سے قانونی مشاورت مکمل کر لی گئی ہے۔

چئیرمین تحریک انصاف عمران خان سے سابق وزیراعلی پنجاب چوہدری پرویز الہی کی ملاقات

Advertisement

پنجاب میں انتخابات اور دیگر سیاسی امور پر گفتگو

ملاقات میں سینئیر پارٹی لیڈرشپ کی بھی شرکت pic.twitter.com/WufBXB2zHY

— PTI (@PTIofficial) January 24, 2023

ذرائع کا کہنا تھا کہ  احمد اویس نے عمران خان اور ملاقات میں موجود دیگر رہنماؤں کو مکمل آئینی و قانونی شقوں کے حوالے سے بریفنگ دی۔

 ملاقات میں پرویز الہی کے ساتھ آئندہ انتخابات اور دیگر معاملات بارے بھی گفتگو کی گئی جب کہ پی ٹی آئی نے چوہدری پرویز الہی کو اپنے احتجاجی لائحہ عمل سے بھی آگاہ کیا۔ ملاقات میں پنجاب میں نگران وزیراعلی کی جانب سے کی جانے والی تقرریوں پر تشویش کا اظہار کیا گیا۔

Lahore rejects this corrupt caretaker CM, a virulent PTI hater & one of the players with ex-COAS, the main architect of regime change conspiracy. His appointment negates the very concept of neutral caretakers. Today there is a complete mockery of justice, ethics & morality in Pak pic.twitter.com/58Tuhy1RXa

— Imran Khan (@ImranKhanPTI) January 24, 2023

اس سے قبل اپنی ٹوئٹ میں عمران خان نے کہا کہ لاہور نے اس بدعنوان نگران وزیراعلیٰ کو مسترد کردیا، پی ٹی آئی سے نفرت، سابق آرمی چیف ساتھ دینے والا اور رجیم چینج کی سازش میں ملوث تھا۔