پاکستان کرکٹ ٹیم کے سابق کپتان مصباح الحق نے کہا ہے کہ مقامی کوچز کو غیر ملکی کوچز پر ترجیح دی جائے۔
ایک مقامی نیوز چینل کو انٹرویو دیتے ہوئے سابق کپتان مصباح الحق کا کہنا تھا کہ غیر ملکی کوچز کے بجائے مقامی کوچز کو ترجیح دی جائے اور کوچ کی تقرری سے قبل ان کی اہلیت کا جائزہ لیا جائے۔
نیوز چینل سے باتیں کرتے ہوئے مصباالحق نے کہا اگر انہیں کوچ بننے کی پیشکش ہوئی تو وہ پہلے حالات کا تجزیہ کریں گے۔
انہوں نے مزید کہا کہ ان کی توجہ ڈپارٹمنٹل کرکٹ کی بحالی پر ہے اور اس بارے میں سابق وزیراعظم عمران خان سے بات ہوئی ہے۔
یہ بھی پڑھیں : مصباح الحق نے قومی کھلاڑیوں کی فٹنس پر سوال اٹھادیا
سابق کپتان مصباح الحق نے دلیل دی کہ ڈپارٹمنٹل کرکٹ نے کھلاڑیوں کی پیشہ ورانہ مہارت کو فروغ دیا اور ڈپارٹمنٹل کرکٹ سے پیدا ہونے والے بہت سے کھلاڑیوں نے پاکستان کی خدمت کی۔
علاوہ ازیں مصباح الحق نے شاہد آفریدی کی تعریف کی کہ انہوں نے بطور چیف سلیکٹر اسامہ میر جیسے نوجوان کھلاڑیوں کو ٹیم میں منتخب کیا۔
پاکستان کے سابق کپتان مصباح الحق نے کہا کہ 2022 میں غیر ملکی ٹیموں کا پاکستان آنے سے انکار کرنا بورڈ کی ناقص منصوبہ بندی تھی، پاکستان کا دورہ کرنے والی غیر ملکی ٹیموں آرام دہ سہولیات فراہم کی جاتی ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News