دہشت گردی کےمقدمے میں عمران خان کی حفاظتی ضمانت کی درخواست دائر

عبدالرحمان

20th Feb, 2023. 03:38 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

دہشت گردی کےمقدمے میں عمران خان کی حفاظتی ضمانت کی درخواست دائر

لاہور ہائی کورٹ میں دہشت گردی کےمقدمے میں عمران خان کی حفاظتی ضمانت کی درخواست دائرکر دی گئی ہے۔

تفصیلات کے مطابق لاہورہائی کورٹ دہشت گردی کےمقدمے میں وکلا کی ٹیم نے سابق وزیراعظم عمران خان کی جانب سے حفاظتی ضمانت کی درخواست دائرکی۔

عمران خان کی جانب سے وکلا کی ٹیم نے درخواست میں مؤقف اپنایا کہ لاہور ہائی کورٹ کےدو رکنی بنچ نے عدم پیروی کی بنا پر حفاظتی ضمانت کی درخواست مسترد کی۔

سربراہ پی ٹی آئی کی جانب سے درخواست میں کہا گیا کہ عمران خان عدلیہ کا احترام کرتے ہیں اور عدالت کےسامنے پیش ہونا تھا۔ سیکیورٹی معاملات اور وہیل چئیردستیاب نہ ہونے سے عدالت پہنچنے کےلئے تاخیر ہوئی۔

وکلا نے درخواست میں مؤقف اپنایا کہ عدالت عدم پیروی کی بنا پر مسترد کی درخواست کی دوبارہ سماعت کرے۔ عمران خان دہشت گردی کےمقدمے میں اسلام آباد کی عدالت پیش ہونا چاہتے ہیں۔ استدعا ہے کہ عدالت پیشی کےلئے حفاظتی ضمانت منظور کرے۔