لاہور ہائی کورٹ کا عمران خان کو پیشی کے بغیر عمران خان کو حفاظتی ضمانت دینے سے انکار کردیا اور سماعت کل صبح تک ملتوی کردی گئی۔ 

سابق وزیراعظم عمران خان نے اسلام آباد کی انسداد دہشت گردی عدالت سے ضمانت خارج ہونے پر لاہور ہائی کورٹ میں درخواست دائر کردی۔

جسٹس طارق سلیم شیخ نے کیس کی سماعت کی،  عمران خان  حفاظتی ضمانت کے لئے عدالت خود پیش نہیں ہوئے بلکہ ان کے وکیل غلام عباس نسوانہ عدالت میں پیش ہوئے۔

دوران سماعت چیئرمین پی ٹی آئی کے وکیل نے حاضری معافی کی درخواست جمع کروائی، عمران خان کی حاضری معافی کی درخواست کے ہمراہ میڈیکل رپورٹ بھی منسلک تھی۔

سماعت کے دوران عمران خان کے وکیل نے کہا سکیورٹی کا مسئلہ ہوگا، اس پر جسٹس طارق سلیم شیخ  نے ریمارکس دیے کہ پولیس بھیج کر بلوالیتے ہیں، قانون کے تحت حفاظتی ضمانت کیلئے ملزم کی عدالت پیشی لازمی ہے، آپ کہیں تو آئی جی پنجاب سے سکیورٹی کا کہہ دیتے ہیں۔

عمران خان کی درخواست

 درخواست میں عمران خان نے موقف اختیار کیا کہ سابق وزیراعظم اور ملک کی ایک بڑی جماعت کا سربراہ ہوں، آزادی مارچ کے دوران جان لیوا حملہ ہو جس کی وجہ سے زخمی ہو گیا تھا۔

عمران خان نے کہا کہ زخمی ہونے کی وجہ سے اپنی رہاٸش  گاہ زمان پارک سے باہر نہیں جاسکتا، زخمی ہونے کی وجہ سے اسلام آباد عدالت میں پیش نہ ہو سکا، انسداد دہشت گردی عدالت نے عدم پیشی پر ضمانت مسترد کر دی۔

یہ بھی پڑھیں؛ عمران خان کی درخواست ضمانت مسترد

چیئرمین پی ٹی آئی نے درخواست میں حفاظتی ضمانت منظور کرنے کی استدعا کرتے ہوئے کہا کہ متعلقہ عدالت سے رجوع کرنا چاہتا ہوں ، خدشہ ہے پولیس گرفتار کر لے گی ۔

عدالت میں عمران خان کے وکیل غلام عباس نسوانہ نے عدالت کو بتایا کہ اسلام آباد کی انسداد دہشت گردی عدالت نے عمران خان کی ضمانت بلاجواز خارج کی، عمران خان کی طبی رپورٹ درخواست کےہمراہ ہے۔

جس پر جسٹس طارق سلیم شیخ نے پوچھا کہ عمران خان خود کدھر ہیں عدالت نے قانون کے مطابق چلنا ہے، اگر وہ چل نہیں سکتے انہیں ایمبولینس پرلایا جائے۔

جسٹس طارق سلیم شیخ ریمارکس دیے کہ عدالت چاہتی تو درخواست گزار کے پیش نہ ہونے ہر درخواست مسترد کردیتی۔

بعد ازاں عدالت نے عمران خان کے پیش ہونے تک سماعت ملتوی کرتے ہوئے کہا کہ عدالت 12 بجے تک نہیں بیٹھ سکتی درخواست گزار کو جلد عدالت پیش ہونا ہوگا۔

واضح رہے کہ اسلام آباد کی انسداد دہشتگردی کی عدالت کے جج جواد عباس نے الیکشن کمیشن کے باہر احتجاج سے متعلق کیس کی آج سماعت کی تھی۔ عدالت نے عدم پیشی پر عمران خان کی ضمانت خارج کردی تھی۔