منی لانڈرنگ کیس میں ایف آئی اے کو 4 مارچ تک تحریری دلائل جمع کرانے کا حکم

منیر باجوہ

11th Feb, 2023. 10:00 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

منی لانڈرنگ کیس میں ایف آئی اے کو 4 مارچ تک تحریری دلائل جمع کرانے کا حکم

عدالت نے منی لانڈرنگ کیس میں وزیراعظم شہباز شریف کے صاحبزادے سلیمان شہباز کے وکیل کو بھی تیاری کیلئے مہلت دے دی۔

تفصیلات کے مطابق اسپیشل کورٹ سنٹرل لاہور میں وزیراعظم شہبازشریف کے صاحبزادے سلیمان شہباز کیخلاف منی لانڈرنگ کیس کی سماعت ہوئی۔

عدالت نے ایف آئی اے کو 4 مارچ تک تحریری دلائل جمع کروانے کا حکم دیتے ہوئے امجد پرویز ایڈووکیٹ کو بھی تیاری کیلئے مہلت دے دی۔

اسپیشل جج سنٹرل بخت فخر بہزاد نے کیس کی سماعت کی جبکہ سلیمان شہباز اپنے وکیل امجد پرویز کے ہمراہ عدالت میں پیش ہوئے۔

اسپیشل پراسیکیوٹر فاروق باجوہ اور تفتیشی افسربھی عدالت میں پیش ہوئے۔

ایف آئی اے مجازحکام کی جانب سے منظوری کے بعد رپورٹ اور مزید گواہوں کی فہرست عدالت میں پیش کی گئی۔

سلیمان شہباز کے وکیل امد پرویز نے کہا کہ مناسب ہوگا کہ عدالت کی فائل دیکھنے کی اجازت دی جائے۔ ایف آئی اے نے نئی رپورٹ پیش کی ہے جس کا جائزہ لینا ہے۔

اسپیشل جج سنٹرل بخت فخربہزاد نے وکیل سلیمان شہبنازسے استفسارکیا کہ آپ کو تیاری کیلئے کتنا وقت درکار ہے؟ جس پر ایڈووکیٹ امجد پرویز نے جواب دیا کہ عدالت 2 ہفتے کا وقت فراہم کر دے۔

واضح رہے کہ ایف آئی اے نے سلیمان شہباز کو منی لانڈرنگ الزام سے بے گناہ قرار دے رکھا ہے۔ منی لانڈرنگ کیس کے ضمنی چالان میں سلیمان شہباز کو بے گناہ قراردیا گیا ہے۔