گرفتاری سے اب تک کھانے پینے کو کچھ نہیں دیا گیا، صدیق جان

ویب ڈیسک

21st Mar, 2023. 06:06 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

گرفتاری سے اب تک کھانے پینے کو کچھ نہیں دیا گیا، صدیق جان

بول نیوز کے بیورو چیف صدیق جان کا کہنا ہے کہ جب سے مجھے گرفتار کیا گیا ہے تب سے اب تک کچھ کھانے کو نہیں دیا اور نہ ہی پانی پلایا گیا۔

اسلام آباد کی انسداد دہشت گردی عدالت نے بول نیوزکے بیوروچیف صدیق جان کو ایک روزہ جسمانی ریمانڈ پرپولیس کے حوالے کردیا۔

اسلام آباد پولیس نے صدیق جان کی گرفتاری 17 گھنٹے بعد ظاہرکی جب کہ تفتیشی افسرنے 10 روزہ ریمانڈ کی استدعا کی اور موقف اپنایا کہ صدیق جان نے پولیس اہلکارکو آفیشل کام سے روکا۔

صدیق جان نے عدالت کوبتایا پولیس والا شیلنگ سے گر گیا تھا ، اسے کھانسی آئی ہم نے ریسکیو کیا۔ ہماری طرف سے کہا گیا شیلنگ واپس ہماری طرف آئے گی اس طرف نہ کرو، جب گرفتار کیا گیا تب سے اب تک کچھ کھانے کو نہیں دیا نہ پانی پلایاگیا۔

واضح رہے کہ صدیق جان کی پیشی کے موقع پرپولیس نے چہرے پر کپڑا ڈالنے کی کوشش کی تاہم صحافیوں نے بغیرکپڑا ڈالے پیش کرنے کا مطالبہ کردیا۔