بھارت کی حکمراں جماعت بی جے پی کے ایک سابق وزیر نے کرناٹک میں اذان کی آواز سن کر توہین آمیز کلمات ادا کئے۔
بھارتی میڈیا کی رپورٹس کے مطابق بھارتیہ جنتا پارٹی کے سابق وزیر کے ایس ایشوارپا کرناٹک میں عوامی اجتماع سے خطاب کر رہے تھے اس دوران اذان کا وقت ہو گیا۔
رپورٹس کے مطابق بی جے پی کے سینئیر رہنما کے ایس ایشوارپا اذان کی آواز سن کر تلملا گئے انہوں نے اذان کے دوران ہی اپنی تقریر جاری رکھی اور اذان کے حوالے سے انتہائی نامناسب الفاظ استعمال کئے۔
یہ بھی پڑھیں : بھارت: انتہا پسند ہندوؤں نے ایک اور بے گناہ مسلمان کو قتل کردیا
کے ایس ایشوارپا نے اپنی تقریر میں مزید کہا کہ سپریم کورٹ کا فیصلہ جلد آنے والا ہے اور آج نہیں تو کل یہ اذان ختم ہو جائے گی۔
بی جے پی رہنما کے اذان کے حوالے سے توہین آمیز ریمارکس پر بھارتی مسلمانوں میں شدید غم و غصے کی لہر دوڑ گئی ہے۔
واضح رہے کہ کے ایس ایشوارپا اپنے مسلم مخالف متنازع بیانات کی وجہ سے مشہور ہیں، چند روز قبل انہوں نے ٹیپو سلطان کو بھی ’مسلم غنڈہ‘ قرار دیا تھا۔
اپنے متنازع بیانات کی وجہ سے ہندو مسلم فسادات کو بھڑکانے کی کوشش کرنے والے کے ایس ایشوارپا کو بی جے پی نے گزشتہ سال ایک ٹھیکیدار کی خودکشی کے بعد وزیر کے عہدے سے ہٹا دیا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News