الیکشن کمیشن نے عمران خان اور فواد چوہدری کے وارنٹ گرفتاری جاری کردیے

ویب ڈیسک

07th Mar, 2023. 06:23 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

الیکشن کمیشن نے عمران خان اور فواد چوہدری کے وارنٹ گرفتاری جاری کردیے

الیکشن کمیشن آف پاکستان نے سابق وزیراعظم عمران خان اور فواد چوہدری کے وارنٹ گرفتاری جاری کردیے۔

تفصیلات کے مطابق الیکشن کمیشن نے توہین الیکشن کمیشن اور چیف الیکشن کمشنر توہین کیس میں عمران خان اور فواد چوہدری وارنٹ گرفتاری جاری کیے۔

الیکشن کمیشن کے 4 رکنی بینچ نے حکم جاری کیا۔ حکم نامہ ممبر نثار درا نی، شاہ محمد جتوئی، بابرحسن بھروانہ اور جسٹس (ر) اکرام اللہ نے جاری کیا۔

الیکشن کمیشن نے عمران خان کی عدم پیشی پر قابل حکم دیا ہے کہ آئی جی اسلام آباد 14 مارچ کو عمران خان اور فواد چوہدری کو پیش کریں، پیش نہ ہونے کی صورت میں قانونی کارروائی آگے بڑھائی جائے گی۔

دوسری جانب پی ٹی آئی کے مرکزی رہنما فواد چوہدری نے الیکشن کمیشن کے فیصلے پر ردعمل دیتے ہوئے کہا کہ الیکشن کمیشن کا آرڈر لاہور ہائیکورٹ کے احکامات کی خلاف ورزی ہے۔

فواد چوہدری کا کہنا تھا کہ الیکشن کمیشن کو توہین عدالت میں ہائیکورٹ میں طلب کروائیں گے۔