امریکہ میں ہونے والے میامی اوپن ٹینس ٹورنامنٹ سے نوواک جوکووچ کو باہر کر دیا گیا ہے، جس کی وجہ کورونا ویکسین پالیسی بتائی جا رہی ہے۔
غیر ملکی خبر رساں ادارے کی خبر کے مطابق میامی اوپن کے ڈائریکٹر جیمز بلیک نے کہ کہا ہے کہ نوواک جوکووچ کو کورونا ویکسین پالیسی پر عملدرآمد نہ کرنے پر اگلے ہفتے ہونے والے میامی اوپن سے باہر کر دیا گیا ہے۔
واضح رہے کہ ٹینس کے معروف کھلاڑی نوواک جوکووچ کورونا ویکسین کے سخت ناقد ہیں انہوں نے ابھی تک کورونا سے بچاؤ کی ویکسین نہیں لگوائی ہے۔
امریکی قوانین کے تحت ملک میں آنے والے غیر ملکیوں کے پاس ویکسنیشن کا سرٹیفیکیٹ ہونا لازمی ہے۔
سربیا سے تعلق رکھنے والے نوواک جوکووچ کو امید تھی کہ دیگر ملکوں کی طرح امریکہ بھی انہیں ملک میں داخل ہونے کی خصوصی اجازت مل جائے گی۔
یہ بھی پڑھیں : آسٹریلین اوپن 2023، کا تاج نوواک جوکووچ کے سر سج گیا
ماضی میں نوواک جوکووچ مختلف ممالک کی جانب سے ملک میں داخل ہونے کی خصوصی اجازت ملتی رہی ہے۔
امریکہ میں کورونا ویکسین پالیسی کا اطلاق تمام غیر ملکیوں پر ہوتا ہے اور یہ معیاد 11 مئی کو ختم ہونے کی امید کی جارہی ہے۔
میامی اوپن ٹورنامنٹ کے منتظمین نے کہا کہ نوواک جوکووچ نے سفری چھوٹ حاصل کرنے کی کوشش میں تمام آپشنز ختم کر دیے۔
یاد رہے کہ 22 بار کے گرینڈ سلم فاتح انڈین ویلز اوپن سے بھی دستبردار ہو گئے ہیں۔
میامی اوپن ٹینس کے ڈائریکٹر جیمز بلیک نے ٹینس کے ایک چینل کو بتایا کہ ہم حکومت سے نوواک جوکووچ کے لیے کورونا ویکسین پالیسی سے استثنیٰ لینے کی کوشش کی مگر ایسا نہیں ہو سکا۔
یہ بھی پڑھیں : آسٹریلیا ٹینس اسٹار نوواک جوکووچ کی ضد کے آگے ڈھیر
ڈائریکٹر جیمز بلیک نے مزید بتایا کہ ظاہر ہے ہم دنیا کے سب سے بڑے ٹورنامنٹس میں سے ایک ہیں، ہم ایسے بہترین کھلاڑی چاہتے ہیں جو کھیل سکیں۔ ہم نے وہ سب کیا جو ہم کر سکتے تھے۔ ہم نے حکومت سے بات کرنے کی کوشش کی لیکن یہ ہمارے ہاتھ سے باہر ہے۔
یاد رہے نوواک جوکووچ گزشتہ سال آسٹریلین اوپن میں کھیلنے کے لیے آسٹریلیا پہنچے تھے مگر ائیرپورٹ حکام نے انہیں گرفتار کر لیا تھا اور انہیں ڈی پورٹ کر دیا گیا تھا۔
نوواک جوکووچ نے کہا تھا کہ میں کورونا ویکسین لگوانے کے بجائے گرینڈ سلم چھوڑنا بہتر سمجھتا ہوں۔
فلوریڈا کے گورنر رون ڈی سینٹیس اور ریاست کے دو امریکی سینیٹرز ان لوگوں میں شامل تھے جنہوں نے بائیڈن انتظامیہ سے مطالبہ کیا تھا کہ وہ عالمی نمبر ایک جوکووچ کو امریکہ میں داخل ہونے اور اس ٹورنامنٹ میں حصہ لینے کی اجازت دیں جو وہ چھ بار جیت چکے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News