گورنر اسٹیٹ بینک نے عوام کو بُری خبر سنادی

ویب ڈیسک

08th Mar, 2023. 09:56 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

گورنر اسٹیٹ بینک نے عوام کو بُری خبر سنادی

گورنر اسٹیٹ بینک جمیل احمد نے عوام کو بُری خبر سناتے ہوئے کہا کہ مزید آئندہ دو تین ماہ تک مہنگائی کا دباؤ رہے گا۔

تفصیلات کے مطابق سینیٹر سلیم مانڈوی والا کی زیر صدارت سینیٹ کی قائمہ کمیٹی برائے خزانہ کا اجلاس ہوا جس میں اسٹیٹ بینک حکام نے مہنگائی، شرح سود اور فارن ایکسچینج سے متعلق کمیٹی کو بریفنگ دی۔

جمیل احمد نے کمیٹی کو بتایا کہ مالی ذخائر پر دباؤ بیرونی فنانسنگ کے کم ہونے کی وجہ سے ہے۔

انہوں نے یہ بھی کہا کہ آئی ایم ایف کے جائزے میں تاخیر کی وجہ سے بیرونی فنانسنگ رک گئی ہے، قرضوں کی واپسی کی وجہ سے بھی مالی ذخائر میں کمی ہوئی ہے۔

جمیل احمد نے کہا کہ معیشت کو اس وقت کئی بیرونی اور اندرونی چیلنجز کا سامنا ہے، مزید آئندہ دو تین ماہ تک مہنگائی کا دباؤ رہے گا جبکہ رواں سال اوسط مہنگائی 26.5 فیصد ہوگی۔

انہوں نے یہ بھی کہا کہ یوکرین جنگ کے باعث اشیاء کی قیمتوں میں اضافہ ہوا جس سے پاکستان میں بھی مہنگائی ہوئی اس سال کا کرنٹ اکاؤنٹ خسارہ 10 ارب ڈالر رہنے کا تخمینہ تھا۔

گورنر اسٹیٹ بینک آف پاکستان جمیل احمد کا مزید کہنا تھا کہ ابھی تک ترسیلات زر میں 2 ارب ڈالر کی کمی ہوئی ہے، رواں سال ترسیلات زر 29 ارب ڈالر تک موصول ہونے کا تخمینہ ہے۔