پاکستان اور سری لنکا کے درمیان تین ون ڈے میچوں کی سیریز کے لیے افغانستان نے 18 رکنی اسکواڈ کا اعلان کر دیا ہے۔

تفصیلات کے مطابق نور احمد کی افغانستان کی ون ڈے اسکواڈ میں واپسی ہوئی ہے کیونکہ انہوں نے اس سال کے آخر میں بھارت میں ہونے والے آئی سی سی مینز کرکٹ ورلڈ کپ سے قبل حتمی کمبی نیشن تیار کیا ہے۔

نور احمد کی واپسی کا مطلب یہ ہے کہ بائیں ہاتھ کے اسپنر ضیاء الرحمان اکبر کے لیے کوئی جگہ نہیں تھی، جنہوں نے حال ہی میں بنگلہ دیش کے خلاف ون ڈے ڈیبیو کیا تھا۔

ٹیسٹ اسکواڈ کا حصہ رہنے والے لیگ اسپنر اظہار الحق نوید کو ٹیم سے باہر کردیا گیا ہے۔

بنگلہ دیش کے حالیہ ون ڈے دورے کا حصہ بننے والے فاسٹ بولرز محمد سلیم صافی اور وفادار مومند نے کامیابی کے ساتھ اپنی جگہ برقرار رکھی ہے۔

اے سی بی کے چیف سلیکٹر اسد اللہ خان نے کہا کہ ہماری پوری توجہ ایشیا کپ اور ورلڈ کپ 2023 کے دو بڑے ایونٹس کے لئے ٹیم کو تیار کرنے پر ہے۔

چیف سلیکٹر اسد اللہ خان نے کہا کہ پاکستان کے خلاف تین ون ڈے میچوں کی سیریز ہمیں آئندہ دو ایونٹس کے لیے ٹیم کو تیار کرنے کا شاندار موقع فراہم کرے گی۔

اسد اللہ خان نے مزید کہا کہ پاکستان سیریز کی تیاریاں اچھی طرح آگے بڑھ رہی ہیں۔ کھلاڑیوں نے حال ہی میں کابل کیمپ میں اچھی کارکردگی کا مظاہرہ کیا ہے ، جس کی نگرانی اے سی بی کے ایچ پی سی عملے نے کی ہے۔ پاکستان کے خلاف سیریز سے قبل ٹیم ایک ہفتے کے کنڈیشننگ کیمپ سے بھی گزرے گی۔

افغانستان اسکواڈ

حشمت اللہ شاہدی (کپتان)، رحمان اللہ گرباز، اکرام علی خیل، ابراہیم زدران، ریاض حسن، رحمت شاہ، نجیب اللہ زدران، محمد نبی، عظمت اللہ عمرزئی، راشد خان، نور احمد، مجیب الرحمان، فضل حق فاروقی، عبدالرحمٰن، محمد سلیم صافی اور وفادار مومند۔

ریزرو: فرید احمد ملک اور شاہد اللہ کمال۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں