پاکستان کرکٹ بورڈ نے ڈومیسٹک کرکٹ کے نئے سیزن اور ٹیموں کا اعلان کر دیا، ڈومیسٹک سیزن میں ریجنزاور ڈپارٹمنٹس کے علیحدہ فرسٹ کلاس ٹورنامنٹس ہونگے۔
پی سی بی کے جاری کردہ اعلامیے کے مطابق ٹورنامنٹس میں آٹھ ریجنز اور آٹھ ڈپارٹمنٹس کی ٹیمیں حصہ لیں گی، ڈومیسٹک سیزن میں کھیل کے معیار اور آمدنی کے مواقعوں میں اضافے کے پیش نظرعلیحدہ ٹورنامنٹس کیے گئے ہیں۔
پاکستان کرکٹ بورڈ کے اعلامیے کے مطابق ڈومیسٹک سیزن 10 ستمبر کو قائداعظم ٹرافی کے ساتھ شروع ہوگا، 2024-23 سیزن میں ریجنز کی ٹاپ 8 ٹیمیں ایک دوسرے کے مدمقابل ہونگی۔ 15 دسمبر سےشروع ہونے والی پریذیڈنٹ ٹرافی میں ڈیپارٹمنٹس کی ٹاپ کی 8 ٹیمیں حصہ لیں گی۔
پی سی بی کا کہنا ہے کہ دونوں ٹورنامنٹس سنگل لیگ کی بنیاد پر کھیلے جائیں گے، پوائنٹس ٹیبل کی دو بہترین ٹیمیں فائنل کھیلیں گی، قائداعظم ٹرافی اور حنیف محمد ٹرافی گریڈ ٹو کے لیے اٹھارہ ریجنل ٹیموں کا انتخاب 2018-19 کے سیزن میں ٹیموں کی پوزیشنوں کی بنیاد پر عمل میں آیا ہے۔
قائد اعظم ٹرافی اور حنیف محمد ٹورنامنٹ ایک ساتھ شروع ہوگا، ایبٹ آباد ، لاہور اور راولپنڈی قائداعظم ٹرافی کے میچوں کی میزبانی کریں گے، فیصل آباد ، ملتان اور اسلام آباد میں حنیف محمد ٹرافی کے میچز کھیلے جائیں گے۔ قائداعظم ٹرافی کھیلنے والی ٹیموں میں پشاور، کراچی وائٹس، لاہور بلوز، راولپنڈی ،فاٹا ، ملتان ، لاہور وائٹس اور فیصل آباد شامل ہیں۔
اعلامیے میں مذید کہا گیا کہ حنیف محمد ٹرافی میں شریک دس ٹیمیں ایبٹ آباد ، آزاد جموں کشمیر، بہاولپور، ڈیرہ مراد جمالی، حیدرآباد، کراچی بلوز،لاڑکانہ ، کوئٹہ ، سیالکوٹ اور اسلام آْباد ہیں۔ آٹھ ڈپارٹمنٹل ٹیمیں ایس ا ین جی پی ایل، ایس ایس جی سی، واپڈا،کے آرایل، پی ٹی وی ،نیشنل بینک اسٹیٹ بینک کی ٹمیں حصہ لیں گی۔ ٹورنامنٹ میں آٹھویں ٹیم کا اعلان ابھی ہونا ہے۔
اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔
ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News