بہتر صحت کے لیے متوازن غذا کے ساتھ ہی مختلف وٹامنز اور منرلز کا درست تناسب بھی بہت اہمیت رکھتا ہے۔ کیونکہ کئی وٹامنز ایک خاص منرل کی موجودگی میں بہترکارکردگی دکھاتے ہیں انہی میں وٹامن ڈی اور کیلشیم شامل ہیں۔

وٹامن ڈی کی افادیت سے کون واقف نہیں یہ ہڈیوں کی صحت کے لیے بہترین تصور کیاجاتا ہے تاہم، حالیہ تحقیق کے مطابق یہ وٹامن دل کی بہتر صحت کا بھی ضامن ہے۔

کیلشیم اور وٹامن ڈی کے درمیان دل کے پٹھو کے افعال، میٹابولزم، اور مجموعی طور پر قلبی صحت کے حوالے سے ایک اہم تعلق پایا جاتا ہے۔

تعلق کیا ہے؟

وٹامن ڈی کی کمی جسم میں غذائی کیلشیم کے جذب کرنے کی صلاحیت کو دس سے پندرہ فیصد تک کم کر دیتی ہے جبکہ کیلشیم کو آنتوں میں جذب کرنے کی صلاحیت تیس سے چالیس فیصد تک بڑھانے کے لیے جسم کو وٹامن ڈی کی کافی مقدار کی ضرورت ہوتی ہے۔ کیلشیم جسم میں ہڈیوں کی مضبوطی سمیت کئی اہم افعال انجام دیتا ہے جو یہاں پر پیش کیے جارہے ہیں۔

بلڈ پریشر کو منظم کرنا

کیلشیم خون کی نالیوں کو ضرورت پڑنے پر آرام دے کر بلڈ پریشر کی سطح کو کنٹرول کرتا ہے۔  کیلشیم اور وٹامن ڈی کے ایک ساتھ کام کرنے سے بلڈ پریشرکو توازن میں رکھنے میں مدد ملتی ہے۔ اس طرح یہ ہائی بلڈ پریشرکے خطرے کو کم کرتے ہیں۔

قلبی صحت

کیلشیم بلڈ پریشرکو کنٹرول کر کے دل کو صحت مند رکھتا ہے، یہ دل کی بیماریوں اور فالج کی روک تھام میں مدد کرتا ہے۔

دل کی متوان ڈھڑکن

کیلشیم کا ایک مناسب توازن دل کی ڈھڑکن کو منظم کرتا ہے، جس سے دل کی دھڑکنوں کی بے قاعدگی کا خطرہ کم ہوتا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں