سوشل میڈیا پر امریکی صدر جو بائیڈن کو قتل کی دھمکی دینے والا شخص ایف بی آئی کی چھاپہ مار کارروائی میں ہلاک ہو گیا۔
غیر ملکی میڈیا کی خبروں کے مطابق کریگ رابرٹسن نامی شخص نے سوشل میڈیا پر ایک پوسٹ میں لکھا کہ اگر صدر بائیڈن یوٹاہ کے دورے پر آئے تو اسے قتل کر دوں گا۔
کریگ رابرٹسن نے سوشل میڈیا پر امریکی صدر کو مارنے کے لیے اسلحہ خریدنے کا بھی دعوی کیا اور خود کو میگا ٹرمپر ظاہر کیا جو سابق صدر ڈونلڈ ٹرمپ کے حامی استعمال کرتے ہیں۔
سوشل میڈیا پر کریگ رابرٹسن کی پوسٹ کے بعد ایف بی آئی حکام حرکت میں آ گئے، ایف بی آئی نے کریگ کی گرفتاری کے لیے اس کے گھر پر چھاپہ مارا۔
کریگ رابرٹسن اپنے گھر پر موجود تھا، تفتیشی ادارے ایف بی آئی نے اس کے لیے اسلحہ خریدنے والے شخص کے ہمرا ہ وارنٹ دینے کی کوشش کی اور کریگ کو گھر سے باہر آنے کا کہا۔
کریگ رابرٹسن کے پڑوسیوں کا کہنا ہے ایف بی آئی نے صبح ساڑھے پانچ بجے کریگ کے گھر کا محاصرہ کیا تھا اور پولیس اسے مائیکرو فون کے ذریعے باہر آنے کا کہہ رہی تھی۔
عینی شاہدین کے مطابق کریگ کو گھر سے باہر بلانے کے اس کوشش کے دوران اچانک فائرنگ شروع ہو گئی، کریگ رابرٹسن فائرنگ کی زد میں آ کر ہلاک ہو گیا۔
اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News