قومی اسکواڈ کو بھارت کیلئے ویزے آج جاری ہونے کا امکان

ویب ڈیسک

25th Sep, 2023. 05:11 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

قومی اسکواڈ کو بھارت کیلئے ویزے آج جاری ہونے کا امکان

قومی کرکٹ اسکواڈ کی ورلڈکپ میں شرکت کے لیے ویزوں کا اجرا آج ہونے کا امکان ہے۔

تفصیلات کے مطابق پاکستانی کرکٹ ٹیم کو ویزے جاری کرنے کے لیے بھارتی سفارت خانے کو بھارتی وزارت داخلہ سے آج این او سی ملنے کا امکان ہے جس کے بعد ورلڈکپ کے لیے منتخب قومی اسکواڈ کو ویزے مل جائیں گے۔

ذرائع نے بتایا ہے کہ پاکستانی ٹیم کو ویزوں میں تاخیر کے معاملے پر پاکستان کرکٹ بورڈ نے انٹرنیشنل کرکٹ کونسل (آئی سی سی) سے رابطہ کیا تھا اور آئی سی سی نے بھارتی بورڈ کو جلد این او سی جاری کرانے کی ہدایت کی تھی۔

ذرائع کا کہنا ہے کہ بھارتی کرکٹ بورڈ (بی سی سی آئی) نے وزارت داخلہ سے این او سی جلد جاری کرنے کا کہا جس کے بعد معاملے پر آج پی پیشرفت ہونے کا قومی امکان ہے۔

قومی کرکٹ اسکواڈ بدھ کی صبح براستہ دبئی حیدر آباد دکن کے لیے روانہ ہوگا اور میگا ایونٹ کے آغاز سے پہلے قومی ٹیم اپنا پہلا وارم اپ میچ 29 ستمبر کو نیوزی لینڈ کے خلاف کھیلے گی۔