شمالی کوریا امریکی فوجی ٹریوس کنگ کو ملک بدر کرے گا جو جولائی میں جنوبی کوریا کے دورے کے دوران سرحد پار کر گیا تھا۔

شمالی کوریا کی سرکاری خبر رساں ایجنسی کے مطابق پیانگ یانگ امریکی فوجی کے غیر قانونی داخلے کی تحقیقات مکمل کرنے کے بعد انہیں ملک بدر کر دے گا۔

اس میں یہ واضح نہیں کیا گیا کہ ٹریوس کنگ کو کیسے، کب اور کہاں نکالا جائے گا اور نہ ہی ان کی صحت کی حالت کیا ہے۔

یہ اعلان شمالی کوریا کی جانب سے انہیں حراست میں لیے جانے کے اعتراف کے ایک ماہ بعد سامنے آیا ہے۔

خبر رساں ایجنسی کے مطابق 23 سالہ امریکی فوجی نے اعتراف کیا کہ وہ غیر قانونی طور پر شمالی کوریا میں داخل ہوا تھا جس کی وجہ امریکی فوج میں غیر انسانی سلوک، نسل پرستی کے خلاف نفرت اور غیر مساوی امریکی معاشرے سے مایوسی تھی۔

بیان میں کہا گیا ہے کہ ڈیموکریٹک پیپلز ریپبلک آف کوریا کے متعلقہ ادارے نے غیر قانونی طور پر جمہوریہ کے علاقے میں داخل ہونے والے امریکی فوجی ٹریوس کنگ کو جمہوریہ کے قوانین کے مطابق ملک بدر کرنے کا فیصلہ کیا ہے۔

امریکی فوجی ٹریوس کنگ کو گرفتار کرنے کے بعد سے نہ تو سنا گیا ہے اور نہ ہی دیکھا گیا ہے۔

وہ غیر فوجی زون (ڈی ایم زیڈ) کے گائیڈڈ دورے پر تھے، جو دونوں کوریاؤں کو الگ کرتا ہے، جب وہ گروپ کو چھوڑ کر سرحد پار بھاگ گئے۔

1950 کی دہائی میں کوریا ئی جنگ کے خاتمے کے بعد دونوں ممالک تکنیکی طور پر اب بھی جنگ میں ہیں جبکہ جنوب میں دسیوں ہزار امریکی فوجی موجود ہیں۔

حالیہ برسوں میں شمالی کوریا میں غیر قانونی طور پر داخل ہونے والے متعدد امریکی شہریوں کو چھ ماہ کے اندر رہا کر دیا گیا ہے۔

برطانوی خبر رساں ادرے نے خبر دی ہے کہ امریکی فوجی ٹریوس کنگ جاسوسی کے ماہر ہیں جو جنوری 2021 سے فوج میں تھے اور اپنی گردش کے حصے کے طور پر جنوبی کوریا میں تھے۔

اس سے قبل ٹریوس کنگ حملے کے الزام میں جنوبی کوریا میں دو ماہ قید میں رہ چکے ہیں اور 10 جولائی کو رہا کیے جانے سے قبل انہیں گھر بھیج دیا جانا تھا تاکہ وہ شمالی کوریا میں داخل ہو سکیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں