فیصل کریم کنڈی کا کہنا ہے کہ پی پی پی کا پی ٹی آئی کے ساتھ سیاسی اتحاد کرنےکا کوئی ارادہ نہیں، سیاسی اختلاف اپنی جگہ، ہم کسی سے گالم گلوچ نہیں کرتے۔

پاکستان پیپلزپارٹی کے سیکریٹری اطلاعات فیصل کریم کنڈی نے پریس کانفرنس کرتے ہوئے کہا کہ چیئرمین پیپلزپارٹی بلاول بھٹو زرداری نے کے پی کے میں چھ ورکرزکنونشن میں عوام سے فقید المثال خطاب کیا۔ کے پی کے کی صوبائی تنظیم کو خراج تحسین پیش کرتے ہیں انہوں نے پروگرام کو کامیاب کیا۔

فیصل کریم کنڈی نے کہا کہ میاں صاحب کابیانیہ پاکستان آتے ہی ختم ہوگیا، سیاسی اتحاد بنتےاورٹوٹتے رہتے ہیں، پیپلزپارٹی اپنے منشورکے ساتھ میدان میں اترے گی، آصف زرداری نے کہا ہمارے اگلے وزیراعظم بلاول بھٹو ہوں گے، ہم نے آئینی طریقے سے عدم اعتماد کیا،شہبازشریف کو وزیراعظم بنایا۔ ہمارے دورمیں کوئی سیاسی قیدی نہیں تھا۔

سیکریٹری اطلاعات پیپلزپارٹی نے کہا کہ پی ٹی آئی اور ن لیگ نے سیاسی دشمنی کو فروغ دیا، دونوں جماعتیں ایک دوسرے کے خلاف مقدمات درج کراتی رہیں، ایک پارٹی کہتی ہے ہم سیاست بچوں کےحوالے نہیں کرناچاہتے، نوجوانوں کے مسائل نوجوان ہی حل کرسکتےہیں، سیاسی اختلاف اپنی جگہ، ہم کسی سے گالم گلوچ نہیں کرتے۔

فیصل کریم کنڈی نے کہا کہ ن لیگ نے بھی ہمارے خلاف کارروائیاں کیں، ہمارے دورمیں کسی کو سیاسی انتقام کا نشانہ نہیں بنایاگیا، پیپلزپارٹی کا کسی سیاسی جماعت سے کوئی مقابلہ نہیں ہے، ہمارامقابلہ غربت،مہنگائی اور بیروزگاری سے ہے، پیپلزپارٹی کی توجہ لوگوں کو سہولیات دینے پرہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/  کولائک کریں۔ ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔