آئی سی سی ون ڈے ورلڈ کپ 2023 کے میچ میں انگلینڈ نے نیدرلینڈز کو 160 رنز سے شکست دے دی۔

تفصیلات کے مطابق آئی سی سی ون ڈے ورلڈ کپ 2023 کے میچ انگلینڈ نے باآسانی نیدرلینڈز کو 160 رنز سے شکست دے دی۔

بھارت کے شہر پونے میں ہونے والے اس میچ میں انگلینڈ نے ٹاس جیت کر پہلے بیٹنگ کا فیصلہ کیا اور مقررہ 50 اوورز میں 9 وکٹوں کے نقصان پر 339 رنز بنائے۔

انگلینڈ کے ڈیوڈ میلان نے 87 رنز بنائے، جبکہ 28 رنز بنا کر آؤٹ ہوئے، بین اسٹوکس نے 84 گیندوں پر 6 چھکے اور 6 چوکوں کی مدد سے 108 رنز کی شاندار اننگ کھیلی، کرس ووکس نے بھی 51 رنز بنائے۔

نیدرلینڈز کی جانب سے باس ڈی لیڈی نے 3 جبکہ آریان دت اور لوگان وین بیک نے 2،2 کھلاڑیوں کو آؤٹ کیا۔

ہدف کے تعاقب میں نیدرلینڈز کی پوری ٹیم 37.2 اوورز میں 179 پر ڈھیر ہو گئی۔

نیدرلینڈز کی جانب سے ویزلے بیریسی نے 37، سائیبرانڈ نے 33، کپتان اسکاٹ ایڈورڈ نے 38 رنز بنائے، جبکہ تیجا مانیروز 41 رنز پر ناٹ آؤٹ رہے۔

انگلیش بولرز عادل رشید اور معین علی سب سے کامیاب بولرز تھے جنہوں نے 3،3 کھلاڑیوں کو آؤٹ کیا، جبکہ ڈیوڈ ولی نے 2 اور کرس ووکس نے 1 کھلاڑی کو آؤٹ کیا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں