عیسائیوں کے روحانی پیشوا پوپ فرانسس نے اسرائیل سے غزہ پر حملے فوری طور پر روکنے کا مطالبہ کر دیا ہے۔
عالمی خبر رساں ادارے کی خبر کے مطابق پوپ فرانسس نے حماس اور اسرائیل کے درمیان تنازع کے خاتمے کے ساتھ ساتھ غزہ کے لیے انسانی امداد پر زور دیتے ہوئے صورتحال کو انتہائی سنگین قرار دیا ہے۔
پوپ فرانسس نے روم کے سینٹ پیٹرز اسکوائر میں روایتی مذہبی تقریبات کے بعد کہا کہ میں فلسطین اور اسرائیل کی سنگین صورتحال سے پریشان ہوں جہاں بہت سے لوگ اپنی جانوں سے ہاتھ دھو بیٹھے ہیں۔
پوپ فرانسس نے اسرائیلی حکومت کو مخاطب کرتے ہوئے کہا کہ میں خدا کے نام پر آپ سے درخواست کرتا ہوں کہ رکیں اور فوری طور پر جنگ بندی کریں۔
“پوپ فرانسس نے کہا کہ مجھے امید ہے کہ تمام امکانات تلاش کیے جا رہے ہیں تاکہ تنازع کو وسیع ہونے سے مکمل طور پر روکا جا سکے، زخمیوں کی مدد کی جا سکے، اور امداد غزہ تک پہنچ سکے، جہاں انسانی صورتحال بہت سنگین ہے، اور یرغمالیوں کو فوری طور پر رہا کیا جائے۔
پوپ اس سے قبل تنازع کے خاتمے اور غزہ کی پٹی میں انسانی امداد کی اجازت دینے کی درخواست کر چکے ہیں۔
ویٹیکن کے مطابق انہوں نے گزشتہ ماہ امریکی صدر جو بائیڈن سے دنیا میں تنازعات کی صورتحال اور امن کے راستوں کی نشاندہی کی ضرورت کے بارے میں بات کی تھی۔
اتوار کے روز یورپی کمیشن نے مشرق وسطیٰ میں تنازعات کے آغاز کے بعد سے یورپی یونین بھر میں یہود دشمنی میں اضافے کی مذمت کرتے ہوئے کہا کہ یورپی یہودی آج ایک بار پھر خوف میں زندگی گزار رہے ہیں۔
کمیشن نے ایک بیان میں کہا کہ گزشتہ چند دنوں میں یورپ بھر میں یہود مخالف واقعات میں اضافہ غیر معمولی سطح پر پہنچ گیا ہے جو تاریخ کے سیاہ ترین دور کی یاد دلاتا ہے۔
یورپی یونین کے ترجمان نے کہا کہ ہم ان گھناؤنے اقدامات کی سخت ترین الفاظ میں مذمت کرتے ہیں اور ہر اس چیز کے خلاف ہیں جس کے لیے یورپ کھڑا ہے۔
اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News