روس کی جانب سے گزشتہ روز یوکرین پر میزائل حملے بعد یوکرین نے جوابی حملہ کیا جس میں 14 افراد ہلاک ہو گئے ہیں۔

برطانوی خبر رساں ادارے کی خبر کے مطابق روسی حملے کے جواب نے یوکرین نے بلغراد پر ڈرون حملہ کیا جس کے نتیجے میں دو بچوں سمیت 14 افراد ہلاک ہو گئے۔

روسی حکام کے مطابق یوکرین نے گزشتہ 24 گھنٹوں کے دوران جنوب مغربی روس میں اہداف پر مہلک فضائی حملوں کا سلسلہ جاری رکھا ہے۔

روس کی ہنگامی وزارت کا کہنا ہے کہ بلغراد شہر میں دو بچوں سمیت 14 افراد ہلاک اور درجنوں زخمی ہو گئے ہیں۔

یوکرین کے ایک سکیورٹی ذرائع نے برطانوی خبر رساں ادارے کو تصدیق کی ہے کہ کیف نے فوجی اہداف پر فائرنگ کی لیکن بلغراد شہر کے مرکز میں ٹکڑوں کے گرنے کا ذمہ دار روسی فضائی دفاع کو ٹھہرایا۔

یہ حملہ جنگ کے دوران روس پر اب تک کے مہلک ترین حملوں میں سے ایک معلوم ہوتا ہے۔

ماسکو بارہا یوکرین پر اپنی سرزمین پر ڈرون حملوں کا الزام عائد کرتا رہا ہے، حالانکہ یوکرین نے ان حملوں کی ذمہ داری قبول نہیں کی ہے۔

یوکرین کے صدر ولادیمیر زیلینسکی کے مطابق یہ حملے جمعے کے روز یوکرین پر روسی حملوں کے بعد ہوئے ہیں جس میں 39 افراد ہلاک ہوئے تھے۔

یوکرین کے مختلف شہروں پر حملے کیے گئے جن میں دارالحکومت کیف، مغرب میں لویو، جنوب میں اوڈیسا اور زاپوریزیہ اور مشرق میں ڈینیپرو اور خرکیف شامل ہیں۔