میلبرن ٹیسٹ میں بدترین ریکارڈ پاکستان کے نام

ویب ڈیسک

27th Dec, 2023. 04:10 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

میلبرن ٹیسٹ میں بدترین ریکارڈ پاکستان کے نام

میلبرن ٹیسٹ میں پاکستانی بالرز نے بدترین ریکارڈ اپنے نام کرلیا۔

پاکستان اور آسٹریلیا کے درمیان تین ٹیسٹ میچوں کی سیریز کا دوسرا ٹیسٹ میلبرن میں جاری ہے، جہاں دوسرے روز کے اختتام پر پاکستانی ٹیم نے 6 وکٹ کے نقصان پر 194 رنز بنالیے ہیں۔ قومی ٹیم کی جانب سے کپتان شان مسعود اور عبداللہ شفیق نے نصف سنچریاں اسکور کیں جب کہ محمد رضوان اس وقت 29 رنز کے ساتھ وکٹ پر موجود ہیں۔

اس سے قبل آسٹریلیا نے کھیل کے پہلے روز 3 وکٹ کے نقصان پر 187 رنز بنائے تھے تاہم قومی بولرز نے دوسرے روز شاندار کم بیک کرتے ہوئے محض 131 رنز کے اضافے سے مزید 7 کھلاڑیوں کو پویلین بھیج دی اور یوں آسٹریلیا کو 318 رنز آؤٹ ہوگئی۔

تاہم اس دوران پاکستانی بولرز نے ایک بدترین ریکارڈ اپنے نام کرلیا۔ میلبرن ٹیسٹ میں پاکستانی بولرز نے ایکسٹراز (وائٹ اور نو بال) کی صورت میں مجموعی طور پر پہلی اننگز میں 52 اضافی رنز دیے۔ جو آسٹریلیا کے اس تاریخی گراؤنڈ پر ایک اننگز میں منفرد ریکارڈ ہے۔

واضح رہے کہ آسٹریلیا نے پرتھ ٹیسٹ میں پاکستان کو 360 رنز سے شکست دی تھی اور سیریز میں 0-1 کی برتری حاصل کی تھی۔