روس کا یوکرین پر بڑا میزائل حملہ، 30 افراد ہلاک

ویب ڈیسک

30th Dec, 2023. 12:06 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

روس کا یوکرین پر بڑا میزائل حملہ، 30 افراد ہلاک

یوکرین کا کہنا ہے کہ روسی فضائیہ نے اب تک کی سب سے بڑی میزائل بمباری کی ہے جس میں کم از کم 30 افراد ہلاک ہو چکے ہیں۔

برطانوی خبر رساں ادارے کی خبر کے مطابق جمعے کی علی الصبح روس کی جانب سے کیف، اوڈیسا، ڈنیپروپیٹروفسک، خرکیف اور لوویو میں ہونے والے حملوں میں 160 سے زائد افراد زخمی ہوئے۔

یوکرین کے صدر ولادیمیر زیلنسکی نے کہا ہے کہ روس نے اپنے ہتھیاروں میں موجود تقریبا ہر قسم کے ہتھیار استعمال کیے جن میں گھروں اور زچگی کے ایک اسپتال کو نشانہ بنایا گیا۔

یوکرین کی فضائیہ کا کہنا ہے کہ اس نے ایک ہی وقت میں اتنے زیادہ میزائل داغے گئے کبھی نہیں دیکھے۔

کیف کے فضائی دفاع میں حالیہ مہینوں میں زبردست بہتری آئی ہے، لیکن جمعے کے روز وہ بہت زیادہ متاثر ہوئے۔

فضائیہ کے ترجمان کا کہنا تھا کہ روس نے ہائپر سونک، کروز اور بیلسٹک میزائل استعمال کیے جن میں ایکس 22 قسم کے میزائل بھی شامل ہیں جنہیں روکنا مشکل ہے۔

ترجمان نے مزید کہا کہ ہم نے ایک ساتھ اتنے زیادہ اہداف کو نشانہ بناتے کبھی نہیں دیکھا۔

فضائیہ کا کہنا ہے کہ 158 میں سے 114 میزائل اور ڈرون مار گرائے گئے ہیں۔

روسی بمباری کے نتیجے میں کیف کے پوڈلسکی ضلع میں ایک 200 میٹر لمبا گودام تباہ ہو گیا۔