فاسٹ بولر خرم شہزاد ڈیبیو میچ میں ہی انجری کا شکار
آسٹریلیا کے خلاف پرتھ ٹیسٹ میں ڈیبیو کے بعد انجری کا شکار ہونے والے فاسٹ بولر آج میلبرن سے وطن واپس پہنچیں گے۔
پاکستان کرکٹ بورڈ (پی سی بی) نے ڈاکٹرز سے مشورہ کرنے کے بعد پرتھ ٹیسٹ میچ میں انجری کا شکار ہونے والے فاسٹ بولر خرم شہزاد کو ری ہیب کے لیے نیشنل کرکٹ اکیڈمی لاہور بھیجنے کا فیصلہ کیا ہے۔
آسٹریلیا کے خلاف ٹیسٹ کرکٹ میں ڈیبیو کرنے والے فاسٹ بولر خرم شہزاد پرتھ ٹیسٹ میچ کے بعد پسلی میں فریکچر کے باعث آسٹریلیا کے خلاف ٹیسٹ سیریز سے باہر ہوئے تھے۔
نوجوان فاسٹ بولر کو جسم کے بائیں حصے میں تکلیف ہوئی ہے جس کے بعد ان کا ایم آر آئی اسکین کروایا گیا تھا اور میڈیکل پینل نے رپورٹس کا جائزہ لینے کے بعد بورڈ کو نوجوان فاسٹ بولر کی انجری سے آگاہ کیا تھا۔
پرتھ ٹیسٹ میچ میں نوجوان فاسٹ بولر نے اسٹیو اسمتھ، مچل مارش، ڈیوڈ وارنر اور مارنش لبوشین کی وکٹیں حاصل کیں تھی۔
Advertisement
دوسری جانب 4 روزہ پریکٹس میچ میں پاکستان کے مسٹری اسپنر ابرار احمد بھی انجری کا شکار ہوئے تھے جب کہ ٹیم کے ساتھ موجود ایک اور اسپنر نعمان علی کا بھی اپینڈکس کا آپریشن ہوا ہے جس کی وجہ سے اسپنر سیریز کے بقیہ دونوں میچز میں سلیکشن کیلئے دستیاب نہیں ہوں گے اور دو دن بعد شروع ہونے والے دوسرے ٹیسٹ میں محمد نواز کو کھلانے کا امکان ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
