عدالت نے شاہ محمودقریشی کی 3حلقوں سےکاغذات مسترد کرنےکیخلاف درخواست ریٹرنگ افسرکو نوٹس جاری کردیا۔

تفصیلات کے مطابق لاہورہائی کورٹ میں سینئررہنما و سابق وفاقی وزیرخارجہ شاہ محمود قریشی کی تین حلقوں سے کاغذات مسترد کرنے کے خلاف درخواست کی سماعت ہوئی۔

جسٹس علی باقرنجفی کی سربراہی میں تین رکنی بنچ نے سماعت کرتے ہوئےریٹرننگ افسرکو نوٹس جاری کردیے۔

لاہورہائی کورٹ نے کیس کی سماعت 12جنوری تک ملتوی کردی، شاہ محمود قریشی کےوکیل ابوذر سلمان نیازی نے دلائل دیے۔

وکیل درخواست گزارکی جانب سے مؤقف اختیارکیا گیا کہ شاہ محمود قریشی کے این اے 150، این اے 151 اور پی پی 218 مسترد ہوئے،  ٹریبونل اور ریٹرننگ افسران نے قانون کے منافی کاغذات مسترد کیے۔

دوسری جانب لاہورہائیکورٹ میں صنم جاوید کے این اے 119 اور پی پی 150 سےکاغذات نامزدگی مسترد کرنے کے خلاف دائر درخواست کی بھی سماعت ہوئی۔

تین رکنی بنچ نے ریٹرننگ افسرکو نوٹس جاری کرتے ہوئے جواب طلب کرلیا۔

جسٹس علی باقر نجفی کی سربراہی میں تین رکنی بنچ نے سماعت کی، درخواست گزارکی جانب سے مؤقف اپنایا گیا کہ جلاؤ گھیراؤ مقدمہ سمت تمام مقدمات میں ضمانت منظورہوگئی ہے۔