روہت شرما نے بابر اعظم کا ریکارڈ برابر کردیا

ویب ڈیسک

18th Jan, 2024. 03:54 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

روہت شرما نے بابر اعظم کا ریکارڈ برابر کردیا

بھارتی کپتان روہت شرما نے بابر اعظم کا ٹی ٹوئنٹی کپتانی میں زیادہ کامیابیوں کا ریکارڈ برابر کردیا۔

بھارت اور افغانستان کی ٹیموں کے درمیان تین ٹی ٹوئنٹی میچز پر مشتمل سیریز کھیلی گئی جس میں بھارت نے 3-0 سے کامیابی حاصل کرکے افغانستان کو وائٹ واش کردیا۔

گذشتہ روز کھیلے گئے تیسرے میچ کا نتیجہ دوسرے سپر اوور میں ہوا جب کہ بھارت نے پہلے بیٹنگ کرتے ہوئے 4 وکٹوں کے نقصان پر 212 رنز کا ہدف دیا تھا۔

جواب میں افغانستان نے 6 وکٹوں کے نقصان پر 212 رنز بنائے جس کے بعد نتیجے کے لیے سپر اوور کھیلا گیا لیکن وہ بھی بے نتیجہ رہا۔

یہ بھی پڑھیں: دوسرے سپر اوور میں افغانستان کو شکست، سیریز بھارت کے نام

کرکٹ کی تاریخ میں پہلی مرتبہ میچ کا فیصلہ دوسرے سپر اوور میں ہوا جس میں بھارت نے 11 رنز بنائے لیکن افغان ٹیم صرف ایک رن ہی بناسکی۔

اس جیت کے ساتھ بھارتی کپتان روہت شرما نے بابر اعظم کا ٹی ٹوئنٹی کپتانی میں زیادہ کامیابیوں کا ریکارڈ برابر کردیا ہے۔

روہت شرما نے 54 ٹی ٹوئنٹی میچز میں بھارت کی قیادت کی جس میں وہ 42 میچز جیتنے میں کامیاب رہے جب کہ سابق کپتان بابر اعظم کی قیادت میں بھی پاکستان نے 42 میچز جیتے ہیں۔

علاوہ ازیں آئن مورگن اور اصغر افغان بھی 71 میچز میں اتنی ہی کامیابیوں کے ساتھ اس فہرست میں شامل ہیں۔