پاکستان کے خلاف ٹی ٹوئنٹی سیریز کے پہلے میچ سے کچھ دیر پہلے ہی کیوی ٹیم کا اہم کھلاڑی کورونا میں مبتلا ہوگیا ہے۔
پاکستان اور نیوزی لینڈ کے خلاف 5 ٹی ٹوئنٹی میچز پر مشتمل سیریز کا پہلا ٹی ٹوئنٹی آکلینڈ میں کھیلا جارہا ہے جہاں قومی ٹیم کے کپتان شاہین شاہ آفریدی نے ٹاس جیت کر پہلے بولنگ کرنے کا فیصلہ کیا۔
قومی ٹیم نے اوپننگ میں محمد رضوان اور صائم ایوب کا آزمانے کا فیصلہ کیا ہے، بابراعظم تیسری اور فخرزمان چوتھی پوزیشن پر بیٹنگ کریں گے جب کہ وکٹ کیپنگ کے فرائض اعظم خان انجام دے رہے ہیں۔
بولنگ کے شعبے میں شاہین آفریدی اور حارث رؤف کے ساتھ عباس آفریدی اور اسامہ میر کو ڈیبیو کروایا گیا ہے جب کہ عامر جمال کو بطور آل راؤنڈر ٹیم میں شامل کیا گیا ہے۔
دوسری جانب میچ سے چند لمحات قبل نیوزی لینڈ کا اہم کھلاڑی کورونا کا شکار ہوگیا ہے جس کے بعد انہیں ہوٹل میں ہی رکنے کا کہا گیا ہے۔
اس حوالے سے کیوی کوچ کا کہنا تھا کہ آل راؤنڈر مچل سینٹنر پاکستان کے خلاف ٹی20 میچ سے قبل کوویڈ-19 وائرس کا شکار ہوگئے۔
نیوزی لینڈ کرکٹ ٹیم کے کوچ نے اپنے بیان میں کہا کہ مچل سینٹنر کا جمعہ کی صبح کوویڈ-19 ٹیسٹ مثبت آیا تھا جس کے بعد انہیں ہوٹل میں قرنطینہ کردیا گیا تھا۔
انہوں نے مزید کہا کہ ہوٹل میں کرکٹر کی مسلسل نگرانی جارہی ہے جبکہ سیریز کے دوسرے میچ سے قبل انکا دوبارہ کورونا ٹیسٹ کیا جائے گا۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News