یوکرین کے 65 جنگی قیدیوں کو لے جانے والا روسی فوجی طیارہ گر کر تباہ ہو گیا ہے، حادثے میں کوئی زندہ نہیں بچا ہے۔
خلیجی میڈیا کے مطابق یوکرین کے 65 جنگی قیدیوں کو لے جانے والا ایک فوجی طیارہ بدھ کے روز یوکرین کے قریب روسی علاقے میں گر کر تباہ ہو گیا۔ گورنر کے مطابق جہاز میں سوار تمام افراد ہلاک ہو گئے۔
حادثے کی فوٹیج سوشل میڈیا پر پوسٹ کی گئی ہے جس میں دیکھا جا سکتا ہے کہ طیارہ برفانی دیہی علاقے میں آسمان سے گر رہا ہے۔
فوری طور پر یہ واضح نہیں ہوسکا کہ بیلگورود کے علاقے میں یہ حادثہ کس وجہ سے پیش آیا۔ گورنر ویاچیسلاو گلاڈکوف نے یہ واضح نہیں کیا کہ طیارے میں کتنے افراد سوار تھے یا وہ کون تھے۔
عالمی خبر رساں ادارے نے اس بات کی تصدیق نہیں کی کہ طیارے میں کون سوار تھا اور یوکرین کے حکام نے غیر مصدقہ معلومات شیئر کرنے کے خلاف خبردار کیا ہے۔
روس کی سرکاری خبر رساں ایجنسی نے وزارت کے حوالے سے خبر دی ہے کہ جنگی قیدیوں کے تبادلے کے لیے انہیں سرحدی علاقے میں منتقل کیا جا رہا ہے۔
سوشل میڈیا پر پوسٹ کی جانے والی فوٹیج میں دیکھا جا سکتا ہے کہ ایک طیارہ برفانی اور دیہی علاقے میں آسمان سے گر رہا ہے اور آگ کا ایک بڑا گولہ پھٹ رہا ہے جہاں وہ بظاہر زمین سے ٹکرایا۔
سرکاری خبر رساں ادارے نے مقامی ایمرجنسی سروسز کے ایک عہدیدار کے حوالے سے بتایا کہ بیلگورود کے ضلع کوروچنسکی میں فائر فائٹرز، ایمبولینسز اور پولیس جائے حادثہ پر پہنچ گئے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News