کراچی کنگز کے ہیڈ کوچ فل سمنز بابر اعظم کی صلاحیتوں کے معترف ہوگئے ہیں۔
خبر رساں ادارے کو دیے گئے انٹرویو میں کراچی کنگز کے ہیڈ کوچ فل سمنز نے بابر اعظم کی صلاحیتوں کا اعتراف کرتے ہوئے ان کی تعریف کی ہے۔
فل سمنز نے بابر اعظم کی تینوں فارمیٹس میں شاندار کارکردگی کو سراہتے ہوئے انہیں دنیا کے ٹاپ کھلاڑیوں میں سے ایک قرار دیا۔
انہوں نے کہا ’’بابر اعظم کافی عرصے سے تینوں فارمیٹس میں دنیا کے سرفہرست کھلاڑیوں میں سے ایک رہے ہیں۔ ایسا کچھ نہیں ہے جو انہوں نے تینوں فارمیٹس میں نہ کیا ہو‘‘۔
حال ہی میں کراچی کنگز کو خیرباد کہنے والے سابق کپتان عماد وسیم کے حوالے سے انہوں نے کہا ’’آج عماد وسیم ہمارے ساتھ نہیں ہیں اور اسی باعث اب ہم مختلف کھلاڑیوں کی طرف دیکھ رہے ہیں‘‘۔
انہوں نے کہا ’’نواز اب ہماری ٹیم کا حصہ ہیں اور ہم دیکھیں گے وہ کیا کرسکتے ہیں جب کہ ہم اس بات کو یقینی بنائیں گے کہ جو کھلاڑی ہمارے ساتھ ہم انہیں یقین دلائیں کہ وہ یہ کرسکتے ہیں‘‘۔
واضح رہے کہ عماد وسیم کراچی کنگز کو چھوڑ کر اسلام آباد یونائیٹڈ میں چلے گئے ہیں جب کہ محمد نواز اب کراچی کنگز کا حصہ ہیں جنہیں کوئٹہ گلیڈی ایٹرز نے رواں سیزن کے لیے ریلیرز کردیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News