این اے 15 مانسہرہ سے نواز شریف کی عذرداری بحال

ویب ڈیسک

16th Feb, 2024. 04:39 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

این اے 15 مانسہرہ سے نواز شریف کی عذرداری بحال

الیکشن کمیشن آف پاکستان نے این اے 15 مانسہرہ سے نوازشریف کی عذرداری بحال کردی۔

تفصیلات کے مطابق الیکشن کمیشن میں نوازشریف کی این اے 15 مانسہرہ پرعذرداری کی بحالی کی درخواست پر سماعت ہوئی۔

ممبر سندھ نثار درانی کی سربراہی میں تین رکنی کمیشن نے سماعت کی۔ نوازشریف کے وکیل جہانگیرجدون الیکشن کمیشن میں پیش ہوئے۔

وکیل جہانگیرجدون نے مؤقف اختیار کیا کہ میری تاخیر سے آمد پر عذرداری مسترد کی گئی، این اے 15 میں ووٹوں کی دوبارہ گنتی نہیں ہوئی، کئی پولنگ اسٹیشنز پر ووٹوں کی گنتی کے بغیر فارم 47 جاری کیا گیا۔

ممبرنثاردرانی نے کہا کہ ریٹرننگ افسر نے این اے 15 کے رپورٹ جمع کروائی ہے، رپورٹ کے مطابق تمام پولنگ اسٹیشنز کے فارم 45 کی بنیاد پر فارم 47 جاری کیا گیا۔

وکیل نوازشریف نے کہا کہ الیکشن کمیشن ہمیں موقع دے ثابت کریں گے کئی پولنگ سٹیشنز کے ووٹ نہیں گنے گئے، ہمارے پاس تمام پولنگ اسٹیشنز کے اوریجنل فارم 45 موجود ہیں۔

الیکشن کمیشن نے نوازشریف کی درخواست منظورکرتے ہوئے این اے 15 مانسہرہ سے نوازشریف کی عذرداری بحال کردیے اور فریقین کو نوٹسز جاری کردیے۔

این اے 15 مانسہرہ پر نواز شریف کی عذرداری کی سماعت 20 فروری کو ہوگی۔

یہ خبر بھی پڑھیں؛ این اے 15 مانسہرہ کی ریٹرننگ افسر تبدیل