اسرائیل کی جنوبی غزہ، رفح اور خان یونس پر بمباری، 103 فلسطینی شہید

ویب ڈیسک

15th Feb, 2024. 02:03 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسرائیل کی جنوبی غزہ، رفح اور خان یونس پر بمباری، 103 فلسطینی شہید

اسرائیلی فوج نے جنوبی غزہ کے علاقے رفح اور خان یونس پر فضائی بمباری کرکے 103 فلسطینیوں کو شہید کردیا۔

غیر ملکی خبر رساں ادارے کے مطابق گذشتہ 24 گھنٹوں کے دوران غزہ میں ہونے والے اسرائیلی حملوں میں مزید 103 فلسطینیوں شہید جب کہ 145 ذخمی ہوگئے ہیں۔

خان یونس کے سب سے بڑے صحت مرکز کے اندر پناہ لینے والے 3 افراد کو اسنائپرز نے گولی مار کر شہید کردیا جب کہ 7 دیگر زخمی ہوئے۔

واضح رہے کہ اسرائیلی حملوں کے نتیجے میں اب تک 28 ہزار 576 فلسطینی شہید اور 68 ہزار 146 فلسطینی زخمی ہوچکے ہیں۔

یہ بھی پڑھیں: فرانس نے مغربی کنارے میں تشدد کے الزام میں 28 اسرائیلی آباد کاروں پر پابندی عائد کر دی

دوسری جانب جنوبی لبنان پر اسرائیلی راکٹ حملوں کے نتیجے میں چار بچوں سمیت 9 افراد جاں حق ہوگئے ہیں۔

خیال رہے کہ فرانسیسی صدر نے رفح میں پناہ لیے لاکھوں فلسطینیوں کے خلاف ممکنہ اسرائیلی فوجی آپریشن کی مخالفت کردی ہے۔

فرانسیسی صدر ایمانوئیل میکرون نے ٹیلیفونک گفتگو میں اسرائیلی وزیر اعظم سے کہا کہ رفح آپریشن عالمی انسانی حقوق کی خلاف ورزی اور علاقائی کشیدگی میں اضافے کا سبب بنے گا۔