فرانس کا یہ فیصلہ امریکہ اور برطانیہ کی جانب سے اسی طرح کی پابندیوں کی پشت پر سامنے آیا ہے۔

تفصیلات کے مطابق فرانس نے مقبوضہ مغربی کنارے میں فلسطینی شہریوں کے خلاف انسانی حقوق کی خلاف ورزیوں کے الزام میں 28 اسرائیلی آباد کاروں کے خلاف پابندیوں کا اعلان کیا ہے۔

یورپی اور خارجہ امور کی وزارت نے منگل کے روز کہا کہ ان 28 افراد کے فرانس میں داخلے پر پابندی عائد کی جائے گی۔

یہ اقدامات ایسے وقت میں کیے گئے ہیں جب حالیہ مہینوں میں آباد کاروں کی جانب سے فلسطینی آبادی کے خلاف تشدد میں اضافہ ہوا ہے۔ فرانس اس ناقابل قبول تشدد کی سخت مذمت کرتا ہے۔

پیر کے روز فرانس، پولینڈ اور جرمنی کے وزرائے خارجہ نے ایک مشترکہ بیان جاری کیا جس میں کہا گیا کہ مقبوضہ مغربی کنارے میں فلسطینیوں کے خلاف تشدد ناقابل قبول ہے اور اس پر پابندیاں عائد کی جائیں گی۔

فرانس کا کہنا ہے کہ وہ یورپی سطح پر بھی پابندیاں عائد کرنے کی کوشش کرے گا۔

اس کا تسلسل ایک قابل عمل فلسطینی ریاست کے قیام سے مطابقت نہیں رکھتا، جو واحد حل ہے تاکہ اسرائیلی اور فلسطینی امن اور سلامتی کے ساتھ شانہ بشانہ رہ سکیں۔

فرانس کا یہ فیصلہ امریکہ اور برطانیہ کی جانب سے اسی طرح کی پابندیوں کے بعد سامنے آیا ہے، جنہوں نے آبادکاروں کے تشدد اور فلسطینیوں پر حملوں میں اضافے کے بارے میں تشویش کا اظہار کیا ہے۔