اگر ہمیں کمزور کیا گیا تو نقصان ملک کا ہو گا، تمام جماعتوں کو وفاقی حکومت میں شامل ہونا چاہیے، رانا ثنا اللہ

ویب ڈیسک

14th Feb, 2024. 12:35 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اگر ہمیں کمزور کیا گیا تو نقصان ملک کا ہو گا، تمام جماعتوں کو وفاقی حکومت میں شامل ہونا چاہیے، رانا ثنا اللہ

سابق وفاقی وزیر و مسلم لیگ ن کے سینئر رہنما رانا ثنا اللہ خان نے کہا ہے کہ اگر ہمیں کمزور کیا گیا تو نقصان ملک کا ہو گا، تمام جماعتوں کو وفاقی حکومت میں شامل ہونا چاہیے۔

تفصیلات کے مطابق رانا ثنا اللہ خان نے اپنے ایک بیان میں کہا کہ ن لیگ کو انتخابات میں سادہ اکثریت نہیں ملی، شہباز شریف کو اتحادیوں کے ساتھ کام کرنے کا تجربہ ہے، اتحادی حکومت کو بڑے فیصلے کرنے میں دقت آتی ہے، بدقسمتی ہے کہ منقسم مینڈیٹ آیا ہے، شہباز شریف کی رائے تھی کہ نواز شریف وزیراعظم بنیں، نواز شریف سمیت ہماری بھی رائے تھی کہ شہباز شریف وزیراعظم بنیں، مریم نواز کامیاب وزیراعلیٰ کے طور پر پنجاب کی خدمت کریں گی۔

رانا ثنا اللہ نے کہا کہ اگر ہمیں کمزور کیا گیا تو نقصان ملک کا ہو گا، ایسی حکومت کی ضرورت ہے جو سب کو ساتھ لیکر چلے اور سخت فیصلے کرے، پی پی وزارتیں لے کر بھی حکومت کا حصہ ہو گی نہ لے کر بھی حصہ ہو گی، آئندہ حکومت اتحادی ہو گی، پیپلز پارٹی سمیت دیگر جماعتوں کو وفاقی حکومت میں شامل ہونا چاہیے، ایسی اتحادی حکومت ہو جس سے لگے ایک جماعت کی حکومت ہے۔