سال 2024 میں شاہین شاہ آفریدی کی قیادت میں ٹیم کو 11 میچز میں سے 10 میں شکست کا سامنا کرنا پڑا۔

پاکستان سپر لیگ کے نویں ایڈیشن (پی ایس ایل 9) میں لاہور قلندرز کی کارکردگی نے شاہین شاہ آفریدی کی قیادت کا پول کھول دیا اور رواں سیزن میں مسلسل 6 شکستوں کے بعد نہ صرف شائقین کرکٹ بلکہ ماہرین کرکٹ بھی انہیں تنقید کا نشانہ بنارہے ہیں۔

لاہور قلندرز کے کپتان شاہین شاہ آفریدی کی قیادت میں لاہور قلندرز کی پی ایس ایل کے نویں ایڈیشن کے ابتدائی 6 میچز میں شکست کھا کر ٹورنامنٹ سے تقریباً باہر ہوچکی ہے۔

یہی نہیں حال ہی میں پاکستان کرکٹ ٹیم کی قیادت سنبھالنے والے شاہین آفریدی اپنی پہلی آزمائش میں بری طرح ناکام رہے جہاں نیوزی لینڈ کے خلاف 5 ٹی ٹوئنٹی انٹرنیشنل میں قومی ٹیم وائٹ واش سے بچ گئی اور مسلسل 4 شکستوں کے بعد پانچویں میچ میں پاکستان کو کامیابی نصیب ہوئی تھی۔

لاہور قلندرز کے سابق کپتان اظہر علی نے بھی شاہین شاہ آفریدی کو نتقید کا نشانہ بناتے ہوئے کہا تھا کہ لاہور قلندرز کے صرف ایک کھلاڑی راشد خان کی غیر موجودگی میں شاہین آفریدی کی کپتانی کا پول کھل گیا۔

واضح رہے کہ گزشتہ روز لاہور قلندرز کو ملتان سلطانز کے ہاتھوں اپنے چھٹے میچ میں 60 رنز کے بھاری مارجن سے شکست کا سامنا کرنا پڑا تھا۔