ونندو ہسارنگا نے ٹی ٹوئنٹی انٹرنیشنل میں اہم سنگ میل عبور کرلیا

ویب ڈیسک

20th Feb, 2024. 01:20 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ونندو ہسارنگا نے ٹی ٹوئنٹی انٹرنیشنل میں اہم سنگ میل عبور کرلیا

سری لنکا کے پرائم اسپنر ونندو ہسارنگا نے ٹی ٹوئنٹی انٹرنیشنل میں اہم سنگ میل عبور کرلیا۔

تفصیلات کے مطابق ونندو ہسارنگا ٹی ٹوئنٹی انٹرنیشنل میچز میں 100 وکٹیں حاصل کرنے والے دوسرے سری لنکن اور مجموعی طور پر گیارہویں کھلاڑی بن گئے۔

سری لنکن ٹی ٹوئنٹی ٹیم کے کپتان ونندو ہسارنگا نے یہ کارنامہ دمبولا میں افغانستان کے خلاف دوسرے ی ٹوئنٹی کے میچ کے دوران انجام دیا۔

ہسارنگا نے 2019 میں ڈیبیو کرنے کے بعد سے ٹی ٹوئنٹی انٹرنیشنل میں کسی بھی دوسرے بولر سے زیادہ وکٹیں حاصل کی ہیں۔

اس سےقبل سری لنکا کی جانب سے صرف لاستھ ملنگا 100 سے زائد ٹی ٹوئنٹی انٹرنیشنل وکٹیں حاصل کرسکے تھے۔

لاستھ ملنگا نے اپنے 76ویں میچ میں یہ سنگ میل عبور کیا جبکہ ہسارنگا اپنے 63ویں میچ میں 100 وکٹیں حاصل کر کے مجموعی طور پر دوسرے تیز ترین 100 وکٹیں لینے والے بولر بن گئے۔

تیز ترین 100 وکٹیں حاصل کرنے کا ریکارڈ افغانستان کے راشد خان کے پاس ہے جنہوں نے 53 میچز میں یہ کارنامہ انجام دیا تھا۔