انتخابات کے بعد حکومت سازی کے معاملات، سیاسی جماعتوں میں رابطے تیز

ویب ڈیسک

10th Feb, 2024. 07:32 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

انتخابات کے بعد حکومت سازی کے معاملات، سیاسی جماعتوں میں رابطے تیز

پاکستان میں عام انتخابات کے بعد حکومت بنانے کے لیے سیاسی جماعتوں میں رابطے تیز ہو گئے ہیں۔

تفصیلات 8 فروری کو ملک میں ہونے والے عام انتخابات کے بعد اب سیاسی جماعتوں میں حکومت بنانے کی فکر سب سے زیادہ ہے، ذرائع کے مطابق سیاسی جماعتوں میں اندرون خانہ ایک دوسرے کے ساتھ رابطے شروع ہو چکے ہیں۔

ذرائع کا کہنا ہے کہ پاکستان پیپلز پارٹی کے پاس تمام آپشن کھلے ہیں کیونکہ اگر پی پی نے مسلم لیگ ن کے ساتھ مل کر حکومت بناتے ہیں تو اس سے پارٹی کو نقصان ہوتا ہے۔

پیپلز پارٹی کے ذرائع کے مطابق پارٹی کے لیے کسی جماعت کے بجائے آزاد گروپ سے ہاتھ ملانا زیادہ بہتر ہو گا۔

ذرائع کا کہنا ہے کہ پاکستان پیپلز پارٹی کا ابھی تک مسلم لیگ ن سے کوئی باقاعدہ رابطہ نہیں ہوا ہے۔

پارٹی ذرائع کا کہنا ہے کہ ہمارے لیے بہتر ہوگا کہ ہم تحریک انصاف کے حمایت یافتہ آزاد امیدواروں کے ساتھ ملیں، ہم اس وقت مسلم لیگ ن سمیت تمام آزاد ارکان کے ساتھ رابطے میں ہیں۔

ذرائع کا مزید کہنا تھا کہ جونہی نتائج مکمل ہوں گے، پیپلز پارٹی انتخابی عمل پر اپنا موقف دے گی۔