لاہور میں بلاول بھٹو کے ووٹ غائب کر دیے گئے، شیری رحمان

ویب ڈیسک

09th Feb, 2024. 04:34 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

لاہور میں بلاول بھٹو کے ووٹ غائب کر دیے گئے، شیری رحمان
بڑی سیاسی ہلچل، ن لیگ اور پیپلز پارٹی کا آزاد کشمیر حکومت کے خلاف عدم اعتماد لانے کا فیصلہ
جنرل ساحر شمشاد مرزا کا دورہ بنگلادیش، دفاعی و سلامتی تعاون مزید مضبوط بنانے پر اتفاق
اردن، فیلڈ مارشل سید عاصم منیر کی شاہ عبداللہ دوم سے ملاقات، دفاعی و سلامتی تعاون بڑھانے پر اتفاق

Now Reading:

لاہور میں بلاول بھٹو کے ووٹ غائب کر دیے گئے، شیری رحمان

شیری رحمان نے کہا ہے کہ بلاول بھٹو کی کھلی لیڈ تھی، تمام میڈیا دکھا رہا تھا، لاہورمیں بلاول بھٹو کے ووٹ غائب کردیے گئے۔

پاکستان پیپلزپارٹی کی سینئررہنما نے لاہورمیں میڈیا سے گفتگو کرتے ہوئے کہا کہ پورا پاکستان ہمارے ووٹرز کیلئے کھلا ہونا چاہیے، لاہور، کراچی، سندھ کسی کی جاگیرنہیں، کبھی ملک میں انتشار نہیں چاہتے۔

شیری رحمان نے کہا کہ کل رات10بجے تک فارم 45 نہیں دیا گیا، ہم آر او آفس گئے اپنا چیف پولنگ ایجنٹ وہاں بٹھایا، ایسا نہیں ہوتا کہ ووٹ کا حق چھین لیا جائے، ہمارے 4،5 پنجاب سے متنازع نتائج آئے ہیں۔

سینئررہنما نے کہا کہ ہماری پارٹی ملک میں انتشار نہیں چاہتی، گزارش ہے کہ ہمارے خدشات دور کردیں، بند کمروں میں سب کچھ ہوا ہے، ہارجیت تو انتخابی عمل کا حصہ ہوتا ہے، این اے127میں ایک نہیں بہت سارے کام ہوئے ہیں۔

شیری رحمان نے کہا کہ بلاول بھٹو کی کھلی لیڈ تھی، تمام میڈیا دکھا رہاتھا، ہم اداروں کا ہمیشہ احترام کرتے ہیں، نتائج ہم سے کیوں چھپائے جارہےہیں، 337پولنگ اسٹیشن کے نتائج ہمارے پاس تھے، 87باقی تھے کہاگیا باہر چلےجائیں۔

انھوں نے مزید کہا کہ نتائج میں تاخیرکا مطلب ہمیں اچھےسےپتہ ہے، لاہورمیں نتیجہ اچانک تبدیل ہوا، جادو تو بہت ساری سیٹیوں پر چل رہا ہوگا لیکن یہاں بھی ہوا، لاہورمیں بلاول بھٹو کے ووٹ غائب کردیےگئے۔ ووٹرز ناراض ہیں انھیں کیا جواب دیں