ڈی آئی جی لاہور نے ملکی سیکیورٹی صورتحال پر افسران کے ساتھ ویڈیو لنک میٹنگ کی۔
تفصیلات کے مطابق ڈی آئی جی ایس پی یو منتظر مہدی نے ایس پی یو کنٹرول روم میں غیر ملکی مہمانوں کی آمد و رفت کا باریک بینی سے جائزہ لینے کے بعد ایس پی یو کے تمام افسران کے ساتھ ویڈیو لنک میٹنگ کی۔
اس ویڈیو لنک میٹنگ میں خاص طور پر غیر ملکی مہمانوں کی سیکیورٹی زیر بحث لائی گی۔
میٹنگ میں ایس ایس آپریشنز عثمان اعجاز باجوہ ، ایس پی پی ایچ آر عاصم افتخار کمبوہ سمیت تمام بٹالین اور ونگ کمانڈرز نے شرکت کی۔
ڈی آئی جی ایس پی یو منتظر مہدی نے تمام بٹالین اور ونگ کمانڈرز کو ہدایات جاری کی۔
ڈی آئی جی منتظر مہدی نے غیر ملکیوں کی سیکیورٹی کے متعلق حکومت پنجاب کی جانب سے جاری کردہ سکیورٹی ایڈوائزری پر مکمل عملدرآمد کرنے کی ہدایات جاری کیں۔
ڈی آئی جی لاہور نے ہدایات کیں کہ تمام غیر ملکیوں کے ساتھ ملازمین کا فریش سکیورٹی آڈٹ کروایا جائے اور غیر ملکیوں کی آمد و رفت پر سیف سٹی اتھارٹی کے کیمروں کی مدد سے نظر رکھی جائے نیز روٹس کی سرچ اینڈ سوائپنگ بذریعہ سپیشل برانچ کرائی جائے۔
ڈی آئی جی لاہور نے کہا کہ چائنیز سمیت تمام غیر ملکیوں کے لیے بلٹ پروف گاڑیاں استعمال کی جائیں۔
ڈی آئی جی لاہور نے کہا کہ اسپیشل پروٹیکشن یونٹ کے جوان دوران آمد و رفت ان کی سکیورٹی کو فول پروف بنائیں تاکہ کسی بھی ناگہانی صورتحال سے نمٹا جا سکے۔
ڈی آئی جی لاہور منتظر مہدی نے ہدایت کی کہ جس طرح ایس پی یو پنجاب پولیس نے سی پیک کے پہلے مرحلے کو دن رات محنت کر کے پایہ تکمیل تک پہنچایا ہے اسی طرح دوسرے مرحلے کو بھی پایہ تکمیل تک پہنچانے میں کوئی کسر اٹھا نہ رکھی جائے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News