وزیر مملکت برائے آئی ٹی شزہ فاطمہ نے کہا ہے کہ حکومت آئی ٹی برآمدات کے اضافہ کے لئے ہر ممکن اقدامات کررہی ہے۔
وزیر مملکت برائے آئی ٹی شزہ فاطمہ سے پاکستان سافٹویئر ہاوسز ایسوسی ایشن (پاشا) کے اعلیٰ سطح وفد کی ملاقات ہوئی جس میں چیئرمین محمد زوہیب خان کی قیادت میں وفد نے وزارت آئی ٹی کا قلمدان سنبھالنے پر شزہ فاطمہ خواجہ کو مبارکباد دی۔
شزہ فاطمہ نےکہا کہ حکومت براہ راست سرمایہ کاری اور آئی ٹی ایکسپورٹ میں اضافے کیلئے ہرممکن اقدامات کررہی ہے، نوجوانوں کو عالمی معیار کی تربیت اور روزگار کے مواقع کی فراہمی کیلئے انڈسٹری کا تعاون ناگزیر ہے۔
وزیر مملکت برائے آئی ٹی شزہ فاطمہ نے مزید کہا کہ عالمی کمپنیوں کیلئے پاکستانی آئی ٹی ہنرمند بہترین چوائس ثابت ہوسکتے ہیں، عالمی طلب اور مقامی رسد کے خلاء کو پُر کرنے کیلئے ایسوسی ایشن اپنا مؤثر کردار ادا کرے۔
ملاقات میں چیئرمین پاشا محمد زوہیب خان نے کہا کہ وزیر مملکت کا مسائل کے فوری حل اور آئی ٹی انڈسٹری کے فروغ کا عزم لائق تحسین ہے، آئی ٹی ایسوسی ایشن وزارت آئی ٹی کے شانہ بشانہ معاشی استحکام میں اپنا کردار ادا کرتی رہے گی۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News