پاکستان کے سابق ٹیسٹ کرکٹر محمد حفیظ کا قیمتی سامان لاہور ایئرپورٹ سے چوری ہو گیا ہے۔
تفصیلات کے مطابق پاکستان کے سابق ٹیسٹ کرکٹر محمد حفیظ امریکا سے پاکستان پہنچے تھے، واپسی پر لاہور ایئرپورٹ پر ان کا قیمتی سامان اور تحائف چوری ہو گئے۔
سابق ٹیسٹ کرکٹر محمد حفیظ نے ایئرلائن کے ناقص سہولیات پر شدید ناراضی کا اظہار کرتے ہوئے کہا کہ میں نے 26 مارچ کو نیویارک سے لاہور کا سفر شروع کیا تھا۔
انہوں نے کہا کہ لاہور ایئرپورٹ پر پہنچنے پر اپنا سامان لیا تو دیکھا کہ میرے سوٹ کیس کو نقصان پہنچا ہوا تھا، تھا، اور میرے بیگ سے میرا قیمتی سامان اور تحائف چوری ہو گئے تھے۔
محمد حفیظ نے کہا کہ میں نے ایئرپورٹ پر نجی ایئرلائن کے کاؤنٹر پر شکایت درج کی اور ساتھ تفصیلات فراہم کی ہیں لیکن اب تک مجھے میرے سامان کے حوالے سے کوئی جواب نہیں ملا۔
سابق ٹیسٹ کرکٹر محمد حفیظ نے کہا کہ لاہور ایئرپورٹ پر صارفین کی سہولت کے لیے میسر فون نمبر بھی آپریشنل نہیں ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News