9مئی کے 6ملزمان کی درخواست ضمانت پرپنجاب حکومت کو نوٹس جاری

ویب ڈیسک

15th Mar, 2024. 10:17 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

9مئی کے 6ملزمان کی درخواست ضمانت پرپنجاب حکومت کو نوٹس جاری

سپریم کورٹ نے 9 مئی کے 6 ملزمان کی درخواست ضمانت پرپنجاب حکومت کو نوٹس جاری کردیا۔

سماعت کے دوران جسٹس جمال خان مندوخیل نے آئندہ سماعت پر کیس کا ریکارڈ طلب کرتے ہوئے پوچھا کہ ملزمان نے املاک کو کیا نقصان پہنچایا، کیا ملزمان سے اسلحہ برآمد ہوا؟ ملزمان پر کیا دفعات لگائی گئی ہیں۔

وکیل ملزمان نے جواب دیا کہ تعزیرات پاکستان کی جتنی شقیں ہیں ساری لگا دی گئی ہیں جس پرجسٹس جمال خان مندوخیل نے کہا کہ انسداد دہشت گردی کی دفعات بھی کیا لگائی گئی ہیں۔

ملزمان کے وکیل نے جواب دیا کہ جی وہ دفعات بھی شامل کی گئی ہیں۔

عدالت نے پوچھا کہ واقعہ نو مئی کا ہے لیکن ایف آئی آر دس مئی کو درج ہوئی۔ وکیل ملزمان نے جواب دیا کہ ملزمان کسی سیاسی جماعت کے عہدیدارنہیں بلکہ دکاندارہیں۔

جسٹس حسن اظہررضوی نے کہا کہ سی سی ٹی وی فوٹیج سے شناخت کرکے ملزمان کو پکڑا گیا۔ کیا ملزمان سے انکے موبائل فونز برآمد کیے گئے۔

وکیل ملزمان نے جواب دیا کہ عدالت نوٹس کرکے مکمل ریکارڈ منگوا لے۔

جسٹس جمال مندوخیل کی سربراہی میں تین رکنی بنچ نے سماعت غیر معینہ مدت تک کیلئے ملتوی کردی۔