یکم اپریل سے پیٹرول مہنگا، ڈیزل معمولی سستا ہونے کا امکان

ملک سعید اعوان

29th Mar, 2024. 03:35 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

یکم اپریل سے پیٹرول مہنگا، ڈیزل معمولی سستا ہونے کا امکان

اسلام آباد: یکم اپریل سے پیٹرول مہنگا جب کہ ڈیزل معمولی سستا ہونے کا امکان ہے۔

ذرائع کے مطابق یکم اپریل سے آئندہ 15 روز کے لئے پیٹرول کی قیمت میں 9 روپے 94 پیسے فی لیٹر بڑے اضافے کا خدشہ ہے۔

ذرائع کا کہنا ہے کہ آئندہ 15 روز کے لئے ڈیزل کی قیمت میں 1 روپے 30 پیسے کمی کا امکان ہے جب کہ مٹی کے تیل کی قیمت میں 17 پیسے کمی ہوسکتی ہے۔

قیمتوں سے متعلق حتمی فیصلہ وزیراعظم کی منظوری سے ہوگا جب کہ قیمتوں سے متعلق اوگرا ورکنگ اکتیس مارچ کو حکومت کو بجھوائے گا۔

وزارت خزانہ وزیر اعظم سے مشاورت کے بعد حتمی نوٹیفکیشن جاری کرے گی جب کہ آئندہ 15 روز کے لئے قیمتوں میں ردوبدل عالمی مارکیٹ کے تناسب سے ہوگا۔

ذرائع کا مزید کہنا تھا کہ حکومت پیٹرول و ڈیزل پر اس وقت 60 روپے کے حساب سے لیوی وصول کر رہی ہے، پیٹرول اور ڈیزل پر لیوی میں مزید اضافہ نہیں کیا جائے گا۔