مارک زکربرگ ہوائی جزیرے پر 260 ملین ڈالر کا زیر زمین بنکر تعمیر کرا رہے ہیں۔
بھارتی میڈیا کے مطابق میٹا کے سی ای او مارک زکر برگ ایک وسیع و عریض قلعہ نما زیر زمین بنکر تعمیر کرا رہے ہیں جو تقریباً 5 ہزار مربع فٹ کے رقبے پر تعمیر کیا جا رہا ہے۔
آسٹریلین ویب سائٹ کے مطابق یہ بنکر ہوائی جزیرے پر مارک زکر برگ کی ذاتی زمین پر تعمیر کیا جا رہا ہے، یہ جائیداد 1400 ایکٹر پر پھیلی ہوئی ہے۔
یہ اس وسیع و عریض بنکر لگژری اسٹیٹ کا ایک حصہ ہوگا جو ارب پتی ہوائی کے دور دراز جزیرے کوائی پر تعمیر کیا جا رہا ہے۔
مارک زکربرگ کم از کم ایک دہائی سے خاموشی سے قلعہ بند عمارت کی منصوبہ بندی کر رہے تھے اور اس پر انہیں 260 ملین ڈالر لاگت آئے گی۔
مارک زکربرگ نے ابھی تک بنکر کے بارے میں کچھ نہیں کہا ہے اور ان کی جائیداد پر کام کرنے والا کوئی بھی شخص سخت پابندی کا پابند ہے۔
ایک نیوز ویب سائٹ نے وہاں کام کرنے والے کچھ تعمیراتی عملے سے بات کی اور انہوں نے کہا کہ ان کے بہت سے ساتھیوں کو سوشل میڈیا پر اس کے بارے میں پوسٹ کرنے کی وجہ سے پروجیکٹ سے ہٹا دیا گیا تھا۔
ایک اور کارکن کا کہنا تھا کہ انکشاف نہ کرنے والے معاہدوں پر بہت سختی سے عمل درآمد کیا جاتا ہے اور سائٹ پر کام کرنے والے کارکن ‘تصویر کھینچتے ہوئے پکڑے جانے کا موقع لینے کے لیے بھی تیار نہیں ہیں۔’
مارک زکربرگ نے یہ زمین اگست 2014 میں کئی معاہدوں کے تحت خریدی تھی۔ انہوں نے 2016 میں کرسمس کے دوران ہوائی کی تعطیلات پر اپنے خاندان کی کچھ تصاویر پوسٹ کیں۔
نیوز ویب سائٹ کے مطابق پوری جائیداد 1،400 ایکڑ (61 ملین مربع فٹ) میں پھیلی ہوئی ہے۔ زیر زمین بنکر پانچ ہزار مربع فٹ کے رقبے پر تعمیر کیا جا رہا ہے۔ اور اس کی اپنی توانائی اور خوراک کی فراہمی ہوگی۔
کوائی کی آبادی 73,000 افراد پر مشتمل ہے اور یہاں ہالی ووڈ کی مشہور فلموں کی شوٹنگز بھی ہو چکی ہیں، جن میں پائریٹس آف دی کیریبین اور جراسک پارک شامل ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News